NEHEMIA 5:9 - AMÜSÜH HÜM CL Bible (BSI)

⁹ Tüsho inü tha, “Nüsanü arhimokhi ju amülim ah! Nüsanü Thrünpuh ki mihyu anibeah tüsho alungki rhimobeah. Jude athsükhinü isa riri khiungkerü ki isa luhmünepü thsüde nüsanü amütsan tümü müjihde alabah.

NEHEMIA 5:9 Cross References

THRÜNTAN 20:11

Tüsho Abrahamnü alo, “Tümütüsho atsütsünü ha dangpung ching Thrünpuh trekhi müla, tüsho arünü I niube dünkheaknü I laksahbah de inü lüm.

THRÜNTAN 42:18

Judüki Josepnü mahsam nipü arü ki tha, “Ha rhimoang tüsho nüsa rhangdung labah, tümüde inü Thrünpuh trelah:

2 SAMUEL 12:14

Judüalalashe, nünü ha rhimokhi hode khülang kinü Atungpuh bahyukdo, nü tsührü athrürü shebah.”

NEHEMIA 4:4

Inü tamkhüntamnü, “Arünü isa keangrümünekhi sojang, O Thrünpuh! Arünü münejihkhi arü kheak rheakloshang. Arü kukruk alala jangkhide khiungkerü lo ching ramtsorü kamshang.

NEHEMIA 5:10

I tüsho I borünü mihtsürübo ki sho tüsho hi nipjihchoh. Muzhobah isanü sholü tsühkhi tukloanü!

NEHEMIA 5:15

I müngüh kovünorübonü a mihtsürübo ki jim tüsho yukhu thsungkheak nimung aban shotoyinchi 40 lude hahmülang jih. Arü yamlarübonü she mihtsürübo juno. Tüshe inü a büthsüde rhimodo, tümüde inü Thrünpuh ki wüntre jihchoh.

MUNGSHIKHÜN 90:11

Shepünü nü bukakhiukkhi wu mükheahla? Tümüde nü trekhi nangde, nü mulong zhipzhipkhi lah.

MÜCHITMUDU 16:29

Athsümünim mihtsürünü nihbuh yamhingrü münityukchoh, tüsho atsü mülakhi limro ching api bechoh.

MÜCHITMUDU 17:26

Thiyuro-lungkirü thsümüchipü yungsho arü lungkikhi thsungkheak yakzanshuhrübo shikkhi ju alim yung.

MÜCHITMUDU 18:5

Mihbukmuyuk ki jakkheah huhkhi yungsho thiyuro-lungkirü mahkhap ching bahyukkhi ju atsü yung.

MÜCHITMUDU 19:2

Mükheahmudu mülade künsahde alümkhi ju atsü yung, tüsho shepünü niokheamchonü limro dungmihchoh.

MÜCHITMUDU 24:23

Lümlung lakhi mihtsürünü harü she tha: Mahkhapkhi ching jakkheahkhi ju atsü yung.

EZEKIEL 36:20

Küyimki arünü trükshihbo kilim arükheanü, arü yüpungbo ching, arünü I mung amüsüh müneanjih, ju ching arü dünkheak tha, “Harü ha Atungpuh mihtsürübo, tütüshe arünü api lomi chingnü awukhiukpü kam.”

LEVI 25:36

Api kheaknü sholü tümü dulu; tüshe nü Thrünpuh treang; arübo nü lung lashang.

YUNIRÜBO RHIMO 9:31

Junangde Judea, Galilee tüsho Samaria ching borü alala mungtsü lade tankih-a lakheah; tüsho Atungpuh trekhi ching tsahde tüsho Amüsüh Menü mulong shukheamkhi ching wüh bude kam.

ROMRÜ KILIM PAULNÜ ATHRÜTKHI KIHÜM HUHTANYU 2:24

Tümüde ha thrüta lah, “Nü dünkheaknü khiungkerü bolung Thrünpuh mung mükhemükima lah.”

1 TIMOTHI 5:14

Jumonü inü alümkhia anüphulung khimoberü a rhangbah tsührü lade, arü yambuk tsangshubeah, tüsho isa riri kilim isa azhihpü kim müjihbeah.

TITA 2:5

zangrü danyukpü, atsangkhitpü, niubuhrü bukkhüp lade mütsanmükühpü, junangde Thrünpuh yu mükhemükim müthsüde alabah.

1 PETER 2:12

Khiungkerü bolung tsüde rhimoang, junangde arünü nüsa azhihde amülim rhimorü ah de thasho, api arü nimung arünü nüsa rhimobo atsü ngübah tüsho Thrünpuh müretahbah.

1 SAMUEL 2:24

Yung, I tsührübo; Atungpuh mihtsürü bolung bekhi inü asokhi ha thiyusheak atsü yung.