NEHEMIA 13:19 - AMÜSÜH HÜM CL Bible (BSI)

¹⁹ Jumonü arelim kamde Amuni tankih aban, chipiripitbo rihpü, tüsho Amuni muhoyichokia mükhimshuhpü inü thiyukhüm jih. Tüsho inü I yamlarü khürü chipiripitbo ching binshih, junangde Amunimung tümü hah she mühanyuk.

NEHEMIA 13:19 Cross References

NEHEMIA 13:20

Khülang ki yungsho mahne ki yinzüyindorünü Amuni müngüh tsüngre kiuto chipi aleanglim mungjithürü yin.

NEHEMIA 7:3

Inü arü ki tha, “ Ani mülamchoki khiungde chipi dükhimshuh; tüsho aheangrü zhipchokinü chipi rihang. Tüsho aheangrü ju Jirusalem ching larü yukbah khürü nihbuh binpung ching tüsho khürü nihbuh yam ki de aheangshang.”

LEVI 23:22

Tüsho küyimki nüsanü yimlubanü, nüsanü thulu tsünthri khiungde düyimlu, yungsho yimluabahshu hi müdre moa dulu; nüsanü jurübo zhochihrü tüsho khiungkerübo khilim zojang: I Atungpuh nüsa Thrünpuh.

LEVI 23:32

Ha nüsa thsungkheaknü sühakhimpü amunimung ah, tüsho nüsanü nüsa nihbe küdah thsüde thsünüang. Khinu ching nimung tuku nipü arelimnü ashirepü khiungde nüsanü amunimung yihkhia lubeah.

JOHAN 5:10

Jumonü Jihudarünü athsüngubuh ki tha, “Ha Amuni ah; nünü yapkiu hanpü yakzan müla.”