NEHEMIA 11:1 - AMÜSÜH HÜM CL Bible (BSI)

¹ Limberübo Jirusalem ching la, tüsho mihtsürü püpürübo thürü ching khülang mokhitbah amüsüh Jirusalem kiuto ching lashihpü thsüde azan thsü, tüshe aningkhi shihcham tuku ju a püpü kiutobo ching la.

NEHEMIA 11:1 Cross References

1 KIUTHSÜYUKHEAN 26:13

tüsho arünü arü ripitbo thsungkheak anini tüsho ato chido, jipürü yamkhün ayannü azan thsü.

1 KIUTHSÜYUKHEAN 8:28

Harü ha arü lünbo, akubo yande jipürü yamkhün ching akubo Jirusalem ching lakheah.

1 KIUTHSÜYUKHEAN 9:1

Jumonü Israel alala tsühsoniuso yukhean yande thrütyuk; tüsho harü Israel kiulongthsürübo hüm ching thrüta lah. Tüsho arü thiyuro mülakhi hode Juda a Babilon ramtso ching hande ayükhea.

1 KIUTHSÜYUKHEAN 9:2

Kheakü arü yamalo, kiutobo ching akhuhde alalorü ju Israelrü, amükeamrübo, Levirü, tüsho arüngyam tankihrübo lakheah.

1 KIUTHSÜYUKHEAN 9:3

Tüsho Jirusalem ching larü Juda, Benjamin, Ephraim, tüsho Manase mihtsürü khürü:

NEHEMIA 10:34

Yakzan ching lakhi nangde shepü guknü Atungpuh isa Thrünpuh ki taka kingaünpü sang jihbanü kam aban akhukhitkhi kim ching isa mihtsürübo, amükeamrübo, tüsho Levirübonü azan thsüde alabah.

NEHEMIA 11:18

Levirü alalanü 284 amüsüh Jirusalem kiuto ching la.

NEHEMIA 4:22

Judüki inü mihtsürübo ki tha, “Mihtsürü tüsho api yamlarü abannü Jirusalem ching azhing ching neakshang, junangde arünü isa azhing tüsho ayin ching rhimochoki aheangbah.”

MUNGSHIKHÜN 122:5

Tümüde David yamkhün kiulongthsü-binkiu mahkhappü thsungkheak ju ching zolah.

MUNGSHIKHÜN 122:6

Jirusalem mungtsü thsungkheak tamkhüntamnüang: “Nü muzhorü latsühlayungde kamshang.

MÜCHITMUDU 16:33

Azan thsükhi ju pho kheak zochoh, tüshe ju khikzhakpü Thrünpuh kilimnü lah.

ISAIA 48:2

Tümüde arünü amüsüh kiuto mihkhung ah de thachoh, tüsho Israel Thrünpuh kheak angükihchoh; shepü mung ju Wuto Atungpuh la.

ISAIA 52:1

Asürang, asürang, nü sühmüh zahang, O Zion! Akheahakhamkhi nü khimmihbo yihang, O Jirusalem, amüsüh kiuto, tümüde tsütamübahkhi tüsho mümüsühkhi kheaküa nü lung mazah.

MATHI 27:53

arünü kiuyukbo chingnü akhiuk tüsho Jisu arhang kamloshu arünü amüsüh kiuto ching yüzah tüsho ahihkhüh ki akhiuka huh.

MATHI 4:5

Judüki arimrinü api ju amüsüh kiuto ching bede yü tüsho arüngyam mün kheak binshih,

YUNIRÜBO RHIMO 1:24

Tüsho arünü tamkhüntamnü, “O Atungpuh, shepünü alala mulong mükheahla, hane bolung nünü shepü mokhitdünü huhang,

YUNIRÜBO RHIMO 1:26

Arünü azan thsü, tüsho azan ju Mathia kheak akhiuk. Tüsho api ju amüsühthsangyurü thürükheak khülang lung kheyuk.

JIHUSUA 18:10

Arübo thsungkheak Jihusuanü azan thsüde Atungpuh ki keokhi tüsho Israel trükbo kilim alo chama jih.