MÜCHITMUDU 9:4 - AMÜSÜH HÜM CL Bible (BSI)

⁴ “Shepü lümlung mülanü ha ching rholode azahshang!” Shepü anikhitkhi mülanü anihbenü api ki thachoh,

MÜCHITMUDU 9:4 Cross References

MÜCHITMUDU 6:32

Shepü aliberü kheak müzammüram yihbeakchonü anikhitkhi mülachoh; shepünü jude thsüchonü nihbuh thsümünimchoh.

MÜCHITMUDU 9:16

“Shepü lümlung mülanü ha ching rholode azahang”; shepü anikhitkhi mülanü anihbenü api ki thachoh,

MÜCHITMUDU 8:5

O nüsa lümthülihrübo, lümlung anikhitang, tüsho nüsa makharübo, anikhitkhi mulong thsang.

MATHI 11:25

Ju kim ching Jisunü tha, “Inü nü shichoh, Abuh, thüning tüsho alomi Tungpuh, tümütüsho nünü harü lümlung larü tüsho anikhitrü kheaknü müyima zo, tüsho azürü aninibo ki akhiuka huh.

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.

MÜCHITMUDU 1:22

Külokhüh nüsa lümlung thülihrünü nüsa athülih limrobo muzhoba? külokhüh nüsa kithsükilangrünü kithsükilangkhi ching asühba tüsho makharünü mükheahmudu thraneanba?

MUNGSHIKHÜN 119:130

Nü yubo thanakkhinü ayin jihchoh; hanü makharü kilim lümlung jihchoh.

MUNGSHIKHÜN 19:7

Atungpuh yakzan ju banthsanglah, hanü sühmüh aso jihchoh; Atungpuh yukhümbo ju mulonglambe, amülarü kilim lümlung jihchoh.

MÜCHITMUDU 7:7

tüsho rük-thülihrü athunurü bolung anikhitpü mülakhi athunu mihtsürü khülang ngükhit,

ISAIA 35:8

Ju ching limto khülang labah tüsho ju Amüsüh Limro de ajibah; mümüsühkhinü ju kheak mütsah, tüshe ha Thrünpuh mihtsürü thsungkheak labah; hantsahrü, makharünü she mütsahmih.