MÜCHITMUDU 4:4 - AMÜSÜH HÜM CL Bible (BSI)

⁴ apinü I ki thsangyu tüsho tha: “Nü mulongnü I yubo zoang; I yukhümbo zoang tüsho laang.

MÜCHITMUDU 4:4 Cross References

THRÜNTAN 18:19

Tümüde inü api mokhit, ju hode arünü alim tüsho thiyuro rhimopü Atungpuh limro zopü api tsührübo tüsho api dunglim ayamkhün ki apinü thiyukhüm jihbah, junangde apinü anihbuh ki alokhikhi lüpdükhi Abraham thsungkheak rhimobah.”

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

MUNGSHIKHÜN 119:11

Inü nü yu I mulong ching ramlah, junangde inü nü azhihde neak müyihbeak.

MUNGSHIKHÜN 119:144

Nü yakzan thsükhibo thiyuro-lungki ju akheam müla; I ki anikhitkhi jihang, tüsho I alabah.

MUNGSHIKHÜN 119:168

Inü nü yukhümbo tüsho nü yakzan thsükhibo zochoh, tümüde I limrobo alala nü miki lah.

MÜCHITMUDU 22:6

Azürü khülang ju api yüpü limro ching thsangyukhitang, tüsho küyimki api azorü kambanü ju chingnü müchamkhi.

MÜCHITMUDU 23:26

I tsah-a, nü mulong I kilim jihang tüsho nü mükbo I limrobo lim zoang,

MÜCHITMUDU 3:1

I tsah-a I yakzan dümih, tüshe nü mulongnü I yukhümbo zoshang;

MÜCHITMUDU 3:2

tümüde jurünü nü kilim nimung ashang, rhangdung ashang tüsho mungtsü yukajakjihchoh.

MÜCHITMUDU 7:2

I yukhümbo zoang tüsho laang, tüsho I yakzan ju nü mükji sangaso nangde zoang.

ISAIA 55:3

Nü nükhün muphoang, tüsho I kilim arang; aniang, junangde nü labah. Inü nü kheak akheam mülakhi tangzüng, inü muzhodakkhi, David thsungkheak tsükjide muzhokhi labah.

JEREMIA 38:20

Jeremianü alo, “ Nü arü kilim müjih. Inü tümü nü ki thachonü Atungpuh düsheak lang aniang, tüsho nü tsüde alabah tüsho nü rhangdung aninga labah.

JOHAN 12:50

Tüsho api yukhüm ju akheam müla rhangdung de inü mükheahlah. Jumonü inü tümüpürü asukchonü I Buhnü I ki thakhi nangde asukchoh.”

EFISIA 6:4

Buhrübo, nüsa tsührübo bukakhiukpü thsüde düthürüh, tüshe adanyukkhi tüsho Atungpuh thsangdankhi ching arü mütrükhitang.

YUZÜNGTHALO 4:9

Nüsa thsungkheaknü mük-yukde kümkangang, jude müthsüsho nüsa müknü angükhi mihabahbah, tüsho nüsa rhangdung lakhi amuyung nüsa mulong chingnü chamkhide atsobah. Tüsho jurübo nüsa tsührübo le tsühsoniusobo ki thsangyuang,

YUZÜNGTHALO 6:6

Tüsho inü khihni thiyukhüm jihkhi yu ha nüsa mulong ching labah;

2 TIMOTHI 1:5

Nü ji Lois tüsho nü be Euni büne akin nangde nü akin düküngde alakhi inü lümkhitchoh, tüsho kheakü nü kheak lah de inü kinlah.

2 TIMOTHI 3:15

tüsho nü azüchokinü Jisu Khrista kheak kinkhi hode akhümkhit lim bepü lümlung jihkhukpü amüsühyubo nünü mükheahlah de nünü lümkhitang.

IBRI 5:9

tüsho khiukdahkhi kamde api ju anihbuh ki mihyuanirü alala yo lünnü akhümkhit limro kam,

MAHKHAPRÜ 13:12

Tüsho Manoanü tha, “ Kheakü nü yubo dünjishang! Azübuh rhangdung yakli tüsho api rhimo tümü laba?”