MÜCHITMUDU 4:13 - AMÜSÜH HÜM CL Bible (BSI)

¹³ Thsangdankhi düngde tholoang, dütsoshih; ju tsüde aheangang, tümüde ju nü rhangdung ah.

MÜCHITMUDU 4:13 Cross References

THRÜNTAN 32:26

Tüsho apinü anihbuh ki tha, “I tsoshang, tümüde ayinkhipü thsüchoh.” Tüshe apinü tha, “Nünü I mümüngühjihsho inü nü mutsoshih!”

MÜCHITMUDU 10:17

Shepünü thsangdankhi zochonü rhangdung limro ching lah, tüshe shepünü athürühkhi reanglochonü tsophülapchoh.

MÜCHITMUDU 23:23

Thiyuro thuloang, tüsho ju düyin; lümlung thsangdankhi tüsho anikhitkhi ngüang.

MÜCHITMUDU 3:18

Anihbe kheak tholorü kilim hoju rhangdung sangdung ah; düngde anihbe tholorü ki asühpü de jichoh.

MÜCHITMUDU 3:22

arübo nü thsungkheak rhangdung, nü hung züt thsüpü zülu labah.

MÜCHITMUDU 6:23

Tümüde thiyukhüm ju tsün, tüsho yakzan ju ayin ah; tüsho adanyukkhi thsülangkhi ju rhangdung limro ah,

MÜCHITMUDU 8:35

Tümüde sherünü I ngüchonü rhangdung ngüchoh, tüsho Atungpuh kilimnü asühkhi leangkhichoh;

T H S AN GYU T H S AN GR ARÜ 7:12

Sho ha kurampung lakhi nangde lümlung ha kurampung ah, tüshe mükheahmudu alü thsükhi ju lümlung larü junü rhangdung jihchoh.

KHÜNBOLUNGKHÜN 3:4

Anükhüh labah inü arü hodunglim, I menü amuzhobuh inü ngü, inü api ramlo, tüsho I zübekhi I be yam khiungshak ching bede marüyi khiungde inü api mutsoshih.

JOHAN 6:63

Rhangdung jihbuh ju me lah; shih yihnüpü müla. Inü nüsa ki asukkhi yubo ju me ah, tüsho jurü rhangdung ah.

JOHAN 6:68

Simon Peternü api ki alo, “Atungpuh, isanü shepü ki yüpü? Nü yubo akheam müla rhangdung lah.

YUNIRÜBO RHIMO 11:23

Küyimki api arübah Thrünpuh amüthsüm ngükheanü, apinü asüh; tüsho apinü arü alala ki mulong düküngde Atungpuh kheak akin lapü mulong tuthsuk;

YUNIRÜBO RHIMO 2:42

Tüsho arünü amüsühthsangyurübonü thsangyukhi le arihmukhung, yikhap yihnakkhi tüsho tamkhüntamnü ching mulong jih.

YUZÜNGTHALO 32:47

Tümüde ha nüsa thsungkheaknü akeangkeang yung, tümütüsho ha nüsa rhangdung, tüsho ha yunü nüsa Jordan hode yübah mükühpü lo ching jingtsüpkutsüp labah.”

1 TESALONIKA 5:21

tüshe lüpdükhi rükakheahang; tümü atsüanü düngde ramrihang,

IBRI 2:1

Jumonü isanü asokhi kheak mulong jihbeah, jude yungsho ju chingnü bede tsoabahbah.

AMIKHEAKAKHIUKKHI 12:11

Namfimihnunu thiyih tüsho arü thiyumütsan yu hode arünü api kuk, tümüde arünü ashepü she thsüde nihbuh rhangdungbo mümuzho.

AMIKHEAKAKHIUKKHI 2:13

“‘Nü küching lacho, Arimri kiulongthsü-binkiu küching lanü inü mükheahlah; I thiyuro thiyumütsan thsübuh, Arimri lapung nüsa bolung laksahkhi Antipas nimungbo ching she nünü I mung düngde ramrih tüsho I yo akin müreanglo.