MÜCHITMUDU 16:8 - AMÜSÜH HÜM CL Bible (BSI)

⁸ Thiyuro mülade ahihdo alü thsükhi kheaknü thiyuro-lungkinü anikhüh lakhi atsübe.

MÜCHITMUDU 16:8 Cross References

MUNGSHIKHÜN 37:16

Mihbukmuyuk lakhit ahihdo kheaknü a thiyuro-lungkirü lakhit anikhüh atsübe ah;

MÜCHITMUDU 15:16

Küpkhuk lade rahpung ato lakhi kheaknü Atungpuh trede anikhüh lakhi atsübe.

MÜCHITMUDU 15:17

Thraneanachihde ashih-kihkhi moshi nunu lakhi kheaknü amuzho lade wokephüyak tsühyungbe lakhi atsübe.

MÜCHITMUDU 16:7

Küyimki mihtsürü limrobonü Atungpuh asühshihbanü, apinü anihbuh riribo she api lung mungtsü lashichoh.

MÜCHITMUDU 16:9

Mihtsürü mulongnü api limro lümkhi thsüchoh, tüshe Atungpuhnü api jingdükübo huhchoh.

MÜCHITMUDU 17:1

Aniojikhinü thüyam mide rukachihde alakhi kheaknü a akhimahede yikhapkheam mukuh khülang lakhi atsübe ah.

MÜCHITMUDU 28:6

Alarü thsübah nihbuh limrobo ching mülapmüjikhi kheaknü thiyuro ching tsahkhi zhochihrü atsübe.

T H S AN GYU T H S AN GR ARÜ 4:6

Khah mahne mide khisahde apung dunglim müshamkhi kheaknü a, keamramkhi ching khah khülang mikhi atsübe.

JEREMIA 17:11

Patridge wuhnunü mühüpkhitde püpürü jipjipbo bemukhungkhi nangde thiyuro mülakhi lakhit hanmukhungrü ju ruk ah; api rhangdung murochoki anihbuh lakhitbo dükheakbah, tüsho akheam ching api makhakhi mütsanbah.

MIKA 6:10

Mihbukmuyukrü yambo ching, arünü thiyuronü müngükhi rahpungbo lah. Arünü inü athraneankhi mukhiukdahkhi akesang ahorichoh.