MATHI 9:8 - AMÜSÜH HÜM CL Bible (BSI)

⁸ Küyimki botonü ju ngükhea, arünü müyinsah, tüsho mihtsürü kilim hadürü wu jihbuh Thrünpuh shijih.

MATHI 9:8 Cross References

MATHI 12:23

Boto alalanü müyinsahde tha, “Ha David tsührü ju a shi?”

MATHI 15:31

Aduhrünü athakhi, bishia larü tsüde akamkhi, jingkikrü tsahkhi tüsho müktukrünü angükhi ngübah mihtsürübonü müyinsah. Tüsho arünü Israel Thrünpuh shijih.

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

MATHI 5:16

Mihtsürübo miki nüsa ayin tahshang, junangde arünü nüsa rhimo atsü ngübah tüsho yinmi ching nüsa Abuh müretahbah.

MATHI 9:7

Tüsho apinü asürübah thüyam lim yü.

MARK 2:12

Tüsho zukleangnü api asürübah yapkiu shuh-a han, tüsho arü alala mikinü wukhiuk, junangde arü alala müyinsah tüsho Thrünpuh shide tha, “Isanü hanangde küyimkishe müngüakheah!”

MARK 7:37

Tüsho arünü hodakde müyinsahde tha, “Apinü alala tsüde rhimodo. Apinü nükhünpeangrünü soshih tüsho mulokikrünü thashih.”

LUKNÜ ATHRÜTKHI THIYUSHEAK-ATSÜ HUHTANYU 13:13

Apinü anihbe kheak akhah nimkih tüsho judüchokinü alibe ju langakindo kam, tüsho Thrünpuh müretah.

LUKNÜ ATHRÜTKHI THIYUSHEAK-ATSÜ HUHTANYU 17:15

Kheakü khülang buhnü api thsüngukhi ngübah alode yü tüsho düsheak achangnü Thrünpuh mung shi,

LUKNÜ ATHRÜTKHI THIYUSHEAK-ATSÜ HUHTANYU 17:18

Ha khiungkerü kheak hode alode arübah Thrünpuh mung shipü she mülakhea de?”

LUKNÜ ATHRÜTKHI THIYUSHEAK-ATSÜ HUHTANYU 18:43

Tüsho judüchokinü api mük khimshuh, tüsho Thrünpuh mung shide api dunglim yan. Tüsho mihtsürü alalanü ju ngüchoki Thrünpuh shijih.

LUKNÜ ATHRÜTKHI THIYUSHEAK-ATSÜ HUHTANYU 2:20

Tüsho namfimihnu neakrübonü arü ki thakhi nangde arünü alala so tüsho ngübah Thrünpuh müretahde tüsho shijihde alode arü.

LUKNÜ ATHRÜTKHI THIYUSHEAK-ATSÜ HUHTANYU 23:47

Kheakü küyimki bonungrü torünü ju dünjikhi ngükhea, apinü Thrünpuh shijihde tha, “Atsütsü ha thiyuro-lungki mihtsürü thsüa lah!”

LUKNÜ ATHRÜTKHI THIYUSHEAK-ATSÜ HUHTANYU 7:16

Arü alala trede kam; tüsho arünü Thrünpuh müretahde tha, “Isa bolung wukihrü ato khülang asürüdo!” tüsho “Thrünpuhnü api mihtsürü rhua kheahdo!”

JOHAN 15:8

Nüsanü aso hihde asokhinü I Buh müretahbah; junangde nüsa I jingyanrübo thsübah.

YUNIRÜBO RHIMO 11:18

Küyimki arünü ha sokheanü zhikde kamabah. Tüsho arünü Thrünpuh müretahde tha, “Judüasho khiungkerü kilim she Thrünpuhnü rhangdung lapü mulong müthrishihpü mülüjih-a lah.”

YUNIRÜBO RHIMO 21:20

Küyimki arünü ha sokheanü Thrünpuh müretahshih. Tüsho arünü api ki tha, “Keoniorü, Jihudarü bolung akinrü chithürü küdükhüh lanü kheahang; arünü yakzan ching khide mulong jihlah,

YUNIRÜBO RHIMO 4:21

Jumonü küyimki arünü ane müzünkheanü ane thsümüchipü limro müyimkhitde mihtsürübo dünkheaknü ane tsoshih tümütüsho anenü arhimokhi alala thsungkheak arü alalanü Thrünpuh müretah.

2 KORINT 9:13

Ha tankihkhi mütsankhi ching, nüsanü Khrista thiyusheak-atsü mihyuanikhi tüsho arü le püpürü alala thsungkheak salade arungkhi hode arünü Thrünpuh müretahshihbah.

GALATIA 1:24

Tüsho I dünkheaknü arünü Thrünpuh müretah.

1 PETER 2:12

Khiungkerü bolung tsüde rhimoang, junangde arünü nüsa azhihde amülim rhimorü ah de thasho, api arü nimung arünü nüsa rhimobo atsü ngübah tüsho Thrünpuh müretahbah.