MATHI 9:16 - AMÜSÜH HÜM CL Bible (BSI)

¹⁶ Shenü she khim amürhüt kheak aso mükhüpkihchoh, tümütüsho akhüpkihkhi ju khim kheaknü rukkhichoh tüsho arukrüpkhi amütsübe kamshihchoh.

MATHI 9:16 Cross References

THRÜNTAN 33:14

Muzhobah I tungpuh a nü yamlarü müngühnü yüang. Inü Seir ching I tungpuh ki marüyi khiungde, I müngüh shiwüh boto tüsho azürübo arünnü kitde arübah.”

MUNGSHIKHÜN 125:3

Tümüde mihbukmuyuk tso thiyuro-lungkirü khilim akhukhi lomi kheak mükeam, jude yungsho thiyuro-lungkirünü amülim kheak arü khahnü aqiubah.

ISAIA 40:11

Apinü api mihnubo ki mihnu neakrünü nangde yimkipbah; apinü namfimihnunubo api bin kheak bemukhungbah, tüsho arübo api khüh kheak hanbah, tüsho namfimihnu abebo mükhihde abebah.

MATHI 9:15

Jisunü arü ki alo, “Yamkhünkambuh arü lung lachoki amüyamrübonü atüzhopü kukla de? Tüshe arü kinü yamkhün-kambuh bede atsopü nimungbo arübah, tüsho arünü khümkeak thsübah.

MATHI 9:17

Yungsho shenü she shihküp-keluh awün ching yukhu amühdo muyukchoh, jude thsüsho shihküp-keluh lahrüpbah tüsho yukhu ju müyeana bahbah, tüsho shihküp-keluh ju athsümünimbah. Tüshe arünü shihküp-keluh aso ching yukhu amühdo yukchoh, tüsho ane chido müthsümünimde lachoh.”

MARK 2:21

“Shenü she khim amürhüt kheak aso mükhüpkihchoh, tümütüsho akhüpkihkhi ju khim kheaknü rukkhichoh, tüsho abitkhi amütsübe kamshihchoh.

LUKNÜ ATHRÜTKHI THIYUSHEAK-ATSÜ HUHTANYU 5:36

Apinü arü ki shihdanglimyu khülang tha: “Shenü she khim aso rukkhibah adüzü kheak mükhüpkihchoh; apinü jude thsüsho aso ju arukkhibah, tüsho aso khüpkihkhinü adüzü kheak mayede alabah.

JOHAN 16:12

“Kheaküshe inü nüsa ki thapü ahihdo lah, tüshe nüsanü kheakü jurü marümkhuk.

1 KORINT 13:13

Tüsho kheakü harü mahsam lah: akin, mulonglam tüsho amuzho; tüshe harü bolung atobe ju amuzho.

2 KORINT 9:12

tümüde ha tankih rhimokhinü akinrü yihnüpü lakhi lang müjih tüshe Thrünpuh kilim makshe jihpü hihde kamshihchoh.