MATHI 7:17 - AMÜSÜH HÜM CL Bible (BSI)

¹⁷ Junangde, sangdung atsü aban chingnü aso atsü asochoh, tüshe amütsü sangdungnü sangaso amütsü asochoh.

MATHI 7:17 Cross References

MUNGSHIKHÜN 1:3

Api ju ayung yean mukhuhkhi sangdung khülang kiphahlah, akheahmünchi ching aso asochoh tüsho ayü yiuhamübah. Apinü arhimokhi alala ching akuk ngüchoh.

ISAIA 61:3

Zion ching tüzhorü kilim jihchungpü, arü kilim awah müthri sangbünlak jihpü, tüzhopü müthri asühako müdangke, müdüküngkhi me müthri mungshi khim. Arübo ki thiyuro-lungki thülamdungbo de ajibah, Atungpuhnü akhimkhi, api müretah huhpü labah.

JEREMIA 11:19

Tüshe I a azhihayihkhi namfimihnunu alaksahpü bede yükhi ruk lakheah. Tüsho ha I azhihkhi ah de inü mümükheah, junangde arünü amütsü lümkhi thsüde tha, “ Isanü sangaso kihde sangdung kiushakanü, isanü api rhangdung lomi chingnü lipkhianü, junangde api mung kheaküa mülümkhit!”

JEREMIA 17:8

Api a keyean khimkhi sangdung nangde ayingbo keyung ching chinde yüchoh. Alamlam arüchoki mütre; ayübo kamruhroro phüyaklah. Tsüng marüchoki atrepü müla, aso asodü lang lachoh.

MATHI 7:18

Sangdung atsünü sangaso amütsü asopü mukuk, yungsho sangdung amütsünü sangaso atsü asopü mukuk.

EFISIA 5:9

(tümüde ayinatrüm sangaso ju atsü, alungki tüsho thiyuro alala ching ngüchoh),

FILIPI 1:11

Thrünpuh müretahpü tüsho mungshipü, Jisu Khrista hode arükhi thiyuro-lungki sangasonü mide akambah.

KOLOSI 1:10

Atungpuh ki athülün rhangdung lapü, api tsüde asühshihpü, rhimo atsü aban ching aso asoshihpü tüsho Thrünpuh mükheahkhi ching rünkihpü lah.

JUDNÜ ATHRÜTKHI KIHÜM HUHTANYU 1:12

Harü ha nüsanü amuzhokhi thüniobo ching areak kihkhi, mütrede arü nihbuh lang ahiuhakhiprübo lah; arübo tsüng mübede apungnü yünde ayükhi amobo ah; aso masokhi mumükin sangdungbo, mahne ki shekhi, aying rukkhitkhi ah;