MATHI 7:11 - AMÜSÜH HÜM CL Bible (BSI)

¹¹ Jumonü nüsa mütsüde zobah nüsa tsührübo kilim thsambahbo atsü jihpü mükheahlasho, yinmi ching nüsa Abuhnü api ki kheangrü kilim küdükhüh she atsübo müjihpü!

MATHI 7:11 Cross References

THRÜNTAN 6:5

Judüki alomi ching mihtsürü mihbukmuyuk tode alakhi Atungpuhnü ngü, tüsho api mulong ching lümkhi alala mutuklode amütsü lakheah.

THRÜNTAN 8:21

Atungpuhnü arhümthüneakhi münim tüsho api mulong chingnü tha: “Mihtsürü dünkheaknü, api azükinü mulong amütsü laa lalashe, kheaküa inü alo muthrumünean müthsü. Tüsho inü arhimokhi nangde rhangdung lakhi lorilokobo küyimkishe müdükheakshih.

2 SAMUEL 7:19

Tüsho kheaküshe ha nü miki anikhüh lakheah, O Atungpuh T HRÜNPU H ; nünü nü yamlarü yamkhün ki arübe ching dünjipü ato thado. Haju ha mihtsürübo thsungkheaknü thsangdankhi thsüshang, O Atungpuh T HRÜNPU H !

JOB HU H T ANYU 15:16

Amülim-rhimo ke nangde ayungrü athranean tüsho athsümünimrü küdükhüh keamkhila!

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

MUNGSHIKHÜN 85:12

Tümü atsüanü Atungpuhnü ajihbah; tüsho isa lonü alü thsükhi akhiukshihbah.

MUNGSHIKHÜN 86:15

Tüshe O Atungpuh , nü a muzhomüyi tüsho amüthsüm ah, arünnü bukakhiukchoh, amuzho tüsho thiyuro ching muzhomopungde lah.

MUNGSHIKHÜN 86:5

Tümüde Atungpuh , nü tsülah tüsho neak bahjihpü thsakhamlah, tüsho nü ki jirü alala kilim mihmüthsüm ching suhdahlah.

ISAIA 49:15

Azoberü khülangnü anihbenü akümkhi khungarü mihpü kukla de, yungsho anihbe nuyam ching yo khungarü ki amuzho muhuhba de? Harü she amihpü kuklah tütüshe inü a nü mümih.

ISAIA 63:7

Inü Atungpuh mihmuzho rhimobo, mung shipü thülünkhi Atungpuh rhimobo, Atungpuhnü isa thsungkheak rhimokhi alala dünkheak, tüsho Israel yamkhün kilim tode tsüdakkhi, apinü anihbuh mihmüthsüm yande arü ki huhkhi, api muzhodakkhi muzhomopung yande athabah.

JEREMIA 17:9

Mulong ju alala kheaknü mülapmüjikhi lah tüsho athsüngupü münchi holah, shepünü ju anikhitkhukba?

JEREMIA 33:14

Atungpuhnü thachoh, inü Israel yamkhün tüsho Juda yamkhün ki alokhikhi dünjipü nimungbo tsükjide arüchoh.

HOSEA 14:2

Amushukhi lubahle Atungpuh kilim rholode yüang; api ki thaang, “Amülim alala lude tsoang; atsü küpüanü leangkhiang tüsho isanü alokhikhi nangde isanü nü shianü.

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

MALAKI 1:6

Tsührü khülangnü abuh, tüsho yamlarübonü arü putungrü wüntrechoh. Dale I abuh a sho, I ki wüntre jihkhi küching la? I aputungrü a sho, I akin jihkhi küching la? Wuto Atungpuhnü nüsa ki thachoh, O I mung mükhemürangkhi amükeamrübo. Nüsanü thachoh, “ Küde thsah isanü nü mung mükhemürangkhea?”

MATHI 23:9

Tüsho alomi ching mihtsürü she ki she abuh de düji, tümüde yinmi ching nüsa Abuh khülang lah.

MATHI 7:10

Yungsho apinü thüngüh kheangsho api kilim phuruto jihba shi?

JOHAN 3:16

“Tümütüsho Thrünpuhnü alomiküp muzhokhinü api tsührü lapkhiung jih, junangde shepünü api kheak kinbanü müdükheak tüshe akheam müla rhangdung labah.

ROMRÜ KILIM PAULNÜ ATHRÜTKHI KIHÜM HUHTANYU 3:19

Kheakü tümüpürü yakzannü thachonü yakzan bukkhüp larü ki thachoh de isanü mükheahlah, junangde mihbüm aban mün tuklobah, tüsho alomiküp athrünkhi Thrünpuh mahkhapkhi khüp lah.

ROMRÜ KILIM PAULNÜ ATHRÜTKHI KIHÜM HUHTANYU 3:9

Dale tüsho isa ju arü kheaknü atsübea shi? Jude yung. Tümüde isanü akhuhlim Jihudarü le Greekrü chido neak bukkhüp lah de thado.

ROMRÜ KILIM PAULNÜ ATHRÜTKHI KIHÜM HUHTANYU 8:32

Shepünü nihbuh tsührü müsühmühde isa alala dünkheak jihabahkheanü, apinü lüpdükhi isa kilim müjihba de?

GALATIA 3:22

Tüshe Jisu Khrista kheak akin hode akinrü kilim alokhikhi jihpü thsüde alomiküp alala neak bukkhüp lah de amüsühyunü khipkhitchoh.

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

1 JOHAN 3:1

Isa Thrünpuh tsührü de ajipü thsüde Abuhnü küdükhüh isa muzholanü kheahang; tüsho junangde isa lah. Alominü isa mümükheahkhi amütsan ju api mümükheahkhinü ah.

1 JOHAN 4:10

Ha amuzho lah: isanü Thrünpuh muzhokhinü yung, tüshe apinü isa muzho tüsho isa neak dünthsükhipü api tsührü arüshih.