MATHI 6:1 - AMÜSÜH HÜM CL Bible (BSI)

¹ “Mihtsürübonü angüshihpü arü miki nüsanü thiyuro-lungki mürhimopü kümkangang. Nüsanü rhimosho, yinmi ching nüsa Abuh kilimnü nüsa thsambah müngü.

MATHI 6:1 Cross References

2 KIULONG THSÜRÜ 10:16

Apinü tha, “I lung arang, tüsho Atungpuh thsungkheak I mulong jihkhi kheahang.” Junangde ane rukhühnü khoralolungbe ching bin.

2 KIULONG THSÜRÜ 10:31

Tüshe Jehunü Atungpuh Israel Thrünpuh yakzan amulong alalanü kümkangde müyan; apinü Jeroboam neakbo chingnü murholode, apinü Israel neak yihbeakshih.

MUNGSHIKHÜN 112:9

Apinü khiungke lim ahiuhakhipdo, apinü zhochihrü kilim jihdo; api thiyuro-lungki lünnü rünkhiungbah; api mewün akin jihde ashuhkihbah.

EZEKIEL 33:31

Mihtsürübo arüchoki arünü nü kilim arüchoh, tüsho arünü I mihtsürü nangde nü miki binchoh, tüsho arünü nü yubo anichoh, tüshe arünü jurübo mürhimo. Tümüde thiyu-ake arü münküpbo kheak lah, tüshe arü mulong a arü alü thsüpü kheak lah.

DANIEL 4:27

Jumonü, O kiulongthsüpuh, inü athakhi yanang. Neak yihbeakpü tukloang, tümü alim lanü rhimoang, tüsho zhochihrü ki müthsümang. Junangde nü lalim tsüde alabah.”

ZEKARIA 13:4

Ju nimung wukihrübo ju arünü müchitchoki mihbüm aban nihbuh michih dünkheak achihbah; arünü mülapyukpü thsüde anamkihkhi khim müyih,

ZEKARIA 7:5

Lomi mihtsürü alala tüsho amükeamrübo ki thaang: Nüsanü ha kam nerü khinu phüngü tüsho thüne ching khümkeak thsükhi tüsho tüzhokhi ju I thsungkheak lakhea de?

MATHI 16:27

Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah.

MATHI 16:6

Judüki Jisunü arü ki tha, “Pharisirü tüsho Sadukirü phaüm dünkheak atünadoang.”

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.

MATHI 23:5

Arünü mihtsürübonü angüshihpü thsüde arü rhimo alala thsüchoh; tümüde arünü kingkang kheak rümbe tode tüsho khimmüngam shangde zochoh;

MATHI 25:40

“Kiulongthsüpuhnü arü ki alobah, ‘Atsütsü inü nüsa ki thachoh, nüsanü tümüpürü I keoniorü bolung aninibe thsungkheak rhimokheanü, nüsanü I thsungkheak rhimodo.’

MATHI 5:16

Mihtsürübo miki nüsa ayin tahshang, junangde arünü nüsa rhimo atsü ngübah tüsho yinmi ching nüsa Abuh müretahbah.

MATHI 5:46

Nüsa muzhorü ki nüsanü muzhosho, nüsa tümü thsambah ngüba? Ruk-threrübonü jude rhimochoh yung de?

MATHI 5:48

Jumonü yinmi ching nüsa Abuh khiukdahkhi nangde nüsa khiukdahde laang.

MATHI 6:16

“Küyimki nünü khümkeak thsübanü, yiuhkhaprübo nangde jak mitinga dühuh tümüde arünü mihtsürübo ki arü khümkeak thsükhi huhpü arü mirobo müneanchoh. Inü nüsa ki thiyuro thachoh, arü thsambah ngüabahdo.

MATHI 6:9

Jumonü nüsanü hanangde tamkhüntamnüang: Yinmi ching labuh isa Abuh, nü mung amüsüh thsang.

MARK 8:15

Judüki apinü arü neangneangde tha, “Aniang, Pharisirü tüsho Herod phaüm dünkheak kümkangang.”

LUKNÜ ATHRÜTKHI THIYUSHEAK-ATSÜ HUHTANYU 11:35

Jumonü nü kheak lakhi tsün ju amiting mülapü kümkangang.

LUKNÜ ATHRÜTKHI THIYUSHEAK-ATSÜ HUHTANYU 12:1

Ju kim ching, küyimki mükhebinkhi boto mihtsürü khülangnü khülang jungachihde amukhungkhea, apinü akhuhde api jingyanrübo ki thapü tankih, “Yiuhkhaprü Pharisirü phaüm dünkheak kümkangang.

LUKNÜ ATHRÜTKHI THIYUSHEAK-ATSÜ HUHTANYU 12:15

Tüsho apinü arü ki tha, “Yihnelune dünkheak kümkangang tüsho kurhangang, tümüde mihtsürü rhangdung ju nihbuh lakhit suhdahkhi ching müla.”

LUKNÜ ATHRÜTKHI THIYUSHEAK-ATSÜ HUHTANYU 16:15

Tüsho apinü arü ki tha, “Nüsa ju nüsa küdah thsüde mihtsürübo miki alim thsürübo ah, tüshe Thrünpuhnü nüsa mulongbo mükheahlah. Tümütüsho küpü mihtsürü bolung amo-achak lanü Thrünpuh miki athraneanbe lah.

JOHAN 12:43

tümüde arünü Thrünpuh mungshi kheaknü mihtsürü mungshi alü muzhodo.

JOHAN 5:44

Nüsa khülangnü khülang wüntre luachihchoh tüshe Thrünpuh kilimnü arükhi wüntre müyimde nüsanü küde thsah akinpü?

YUNIRÜBO RHIMO 3:12

Küyimki Peternü ju ngükhea, apinü mihtsürübo ki tha, “Israel mihtsürübo, tümü thsükhi nüsanü ha kheak müyinsahcho, yungsho isa wu yungsho isa tsakamkhinü api tsahshihkhi nangde isa kheak kheahcho?

GALATIA 6:12

Sherünü amikheak atsü huhpü künlanü nüsa reangkiha tsütabahshihpü mürangchoh. Arünü ha rhimokhi amütsan ju Khrista sangkim dünkheaknü thsümüchi tsokhitpü lah.

YUZÜNGTHALO 24:13

Dükde ani yüzahshu api kilim thiyuchihchimkhi jihloang, junangde apinü nihbuh khimmih ching yapbah tüsho nü müngühjihbah; tüsho Atungpuh nü Thrünpuh miki nü thiyuro labah.

IBRI 11:26

Apinü Ijip rahpungbo kheaknü alü thsüde Khrista dünkheaknü mungchih ngüpü muzho, tümütüsho apinü nihbuh thsambah mikhuh kheahde alakheah.

IBRI 2:1

Jumonü isanü asokhi kheak mulong jihbeah, jude yungsho ju chingnü bede tsoabahbah.

IBRI 6:10

Thrünpuh ju mulungkirü yung; apinü nü rhimo, api mihtsürü rungkhi tüsho mutukzhakde arü rungkhinü api ki amuzho huhkhi mihamübah.

2 JOHAN 1:8

Nüsanü arhimokhi dün müdükheakde nüsa thsambah suhdahde angüpü kurhangang.