MATHI 4:23 - AMÜSÜH HÜM CL Bible (BSI)

²³ Jisunü Galilee alala ching yübah, arü yo sinagogbo ching thsangyu, kiulongthsü thiyusheak atsü thsangyuthsangra, tüsho mihtsürü bolung tukthsü tüsho phüthsüphüram mungji aban thsüngujih.

MATHI 4:23 Cross References

MUNGSHIKHÜN 103:3

shepünü nü neakbo alala bahjihcho, shepünü nü tukthsübo alala thsüngucho,

MUNGSHIKHÜN 74:8

Arünü arü mulong ching thachoh, “Isanü arü rukhühnü thsümünimanü.” Arünü lomi ching Thrünpuh shorupung dangpungbo alala takabahdo.

MATHI 11:5

Müktukrünü ngüchoh tüsho jingkikrünü tsahchoh; apham kihrü müsühkhitdo tüsho nükhünpeangrünü sochoh; asherü arhang kamloshihdo tüsho zhochihrü ki thiyusheak atsü thsangyudo.

MATHI 12:9

Küyimki api ju chingnü chamachihkhea, apinü arü yo sinagog ching yüzah.

MATHI 13:19

Küyimki khürünü kiulongthsü yu sobah ju manikhitba, Amütsü Khülang arübah api mulong ching hiua lakhi ju jangkhide tsochoh. Müjih limmungyean hiukhi ju api ah.

MATHI 13:54

Tüsho küyimki api nihbuh lomi lim arükhea, apinü arü sinagog ching thsangyu, junangde arübo müyinsah tüsho tha, “Ha mihtsürü lümlung tüsho khinthiyinbebo küchingnü ngüa la?

MATHI 14:14

Jisunü wukhiukbah yimto ato ngüchoki, apinü arü muzhode lüm tüsho arü tukthsü thsüngujih.

MATHI 24:14

Tüsho ha kiulongthsü thiyusheak-atsü alomiküp alala ching thiyumütsan thsüde trükshih alala ki thsangyuthsangrabah, tüsho jushu akheam arübah.

MATHI 3:2

tüsho tha, “Mulong müthriang, tümüde yinmi kiulongthsü thüninde lah!”

MATHI 9:35

Jisunü arü sinagogbo ching thsangyude, kiulongthsü yusheak atsü thsangyuthsangrade tüsho tukthsü le phüthsüphürambo thsüngude kiutobo tüsho kiulongbo alala ching yü.

MARK 1:14

Kheakü Johan rihyam ching yukshu, Jisunü Thrünpuh kiulongthsü thiyusheak-atsü thsangyude Galilee ching arü,

MARK 1:21

Judüki arünü Kapernaum ching yü, tüsho zukleangnü apinü Amuni sinagog ching yüzah tüsho thsangyupü tankih.

MARK 1:39

Junangde apinü Galilee alala ching sinagogbo ching thsangyuthsangrade tüsho amünean mebo yankhita bahde yü.

MARK 3:10

Tümütüsho apinü ahihkhüh thsüngu, junangde tukthsü larübonü api qiupü mikhuhlim nimde arü.

MARK 6:2

Tüsho küyimki Amuni arükhea, apinü sinagog ching thsangyupü tankih. Tüsho ahihkhühnü api yu sobah müyinsah, “Ha mihtsürünü hadürü tümü chingnü angükhea? Tüsho apinü hadürü khinthiyinbe rhimopü thsüde api kilim lümlung jihkhi ha tümü a?

MARK 6:6

Arü mükinkhi dünkheak apinü müyinsah. Jushu apinü kiulongbo ching thsangyude mükamde yü.

LUKNÜ ATHRÜTKHI THIYUSHEAK-ATSÜ HUHTANYU 10:9

Ju ching tukthsüde alarü thsüngujang, tüsho arü ki thaang, ‘Thrünpuh kiulongthsü nüsa thüninde arüdo.’

LUKNÜ ATHRÜTKHI THIYUSHEAK-ATSÜ HUHTANYU 13:10

Kheakü apinü Amuni sinagog khülang ching thsangyude alakheah.

LUKNÜ ATHRÜTKHI THIYUSHEAK-ATSÜ HUHTANYU 16:16

“Yakzan tüsho wukihrübo ju Johan khiungde alakheah. Ju kim chingnü Thrünpuh kiulongthsü thsangyuthsangrade arüdo, tüsho mihtsürü abannü ju ching yüzahpü nanachihchoh.

LUKNÜ ATHRÜTKHI THIYUSHEAK-ATSÜ HUHTANYU 20:1

Nimung khülang apinü arüngyam ching mihtsürübo thsangyude tüsho thiyusheak-atsü thsangyuthsangrade alachoki, amükeam putungrübo tüsho yakzan thsangyurübonü azothsürübo lung thsürubah Jisu shoru.

LUKNÜ ATHRÜTKHI THIYUSHEAK-ATSÜ HUHTANYU 4:14

Judüki Jisu ju Me wu chingnü Galilee lim alodarü, tüsho api dünkheak thiyusheak lomi alala ching yü.

LUKNÜ ATHRÜTKHI THIYUSHEAK-ATSÜ HUHTANYU 5:17

Nimung khülang, api thsangyude alachoki, Galilee le Judea kiulongbo tüsho Jirusalem chingnü arükhi Pharisirü le yakzan thsangyurübo binde alakheah; tüsho athsüngupü Atungpuh wu api kheak lakheah.

LUKNÜ ATHRÜTKHI THIYUSHEAK-ATSÜ HUHTANYU 6:17

Tüsho apinü arü lung akibah, api jingyanrü boto tüsho Judea le Jirusalem tüsho Tair keyean le Sidon chingnü api yu anipü tüsho arü tukthsübo thsüngupü arükhi mihtsürü yimto ato bebah adükhün kheak zhip;

LUKNÜ ATHRÜTKHI THIYUSHEAK-ATSÜ HUHTANYU 6:6

Amuni püpü ching, küyimki api sinagog ching yüzahbah thsangyukhea, ju ching mihtsürü khülang akhah tsülim shekhia lakheah.

LUKNÜ ATHRÜTKHI THIYUSHEAK-ATSÜ HUHTANYU 7:21

Ju kim ching apinü tukthsürübo ahihdo, arümbo, amünean mebo thsüngu, tüsho müktukrü ahihdo ngüde kamshih.

LUKNÜ ATHRÜTKHI THIYUSHEAK-ATSÜ HUHTANYU 7:22

Tüsho apinü arü ki tha, “Yüang tüsho nüsanü tümü ngüde tüsho sodünü Johan ki thaang: müktukrünü ngüchoh, jingkikrünü tsahchoh, aphamrü müsüh-a lah, nükhünpeangrünü sochoh, asherü arhang kamlodo, zhochihrü ki thiyusheak atsü thsangyudo.

LUKNÜ ATHRÜTKHI THIYUSHEAK-ATSÜ HUHTANYU 8:1

Ju dunglim apinü kiutobo tüsho kiulongbo ching Thrünpuh kiulongthsü thiyusheak atsü thsangyuthsangrade yü. Arü thürükheak mahne ju api lung bekheah,

LUKNÜ ATHRÜTKHI THIYUSHEAK-ATSÜ HUHTANYU 9:11

Tüshe küyimki botonü ju mükheahkhea, arünü api dunglim yan; apinü arü leangkhi tüsho Thrünpuh kiulongthsü dünkheak thade athsüngupü yihnüpü larü thsüngujih.

LUKNÜ ATHRÜTKHI THIYUSHEAK-ATSÜ HUHTANYU 9:60

Jisunü api ki tha, “Asherünü asherü kiuyuka bahshang, tüshe nünü yübah Thrünpuh kiulongthsü thsangyuthsangraang.”

JOHAN 18:20

Jisunü api ki alo, “Inü alomi ki khipkhitde thado. Inü Jihudarü mukhungpung sinagogbo le arüngyam ching kamruhroro thsangyudo, tüsho inü ramde tümü mütha.

JOHAN 6:59

Harübo apinü Kapernaum ching thsangyuchoki sinagogbo ching thakheah.

JOHAN 7:1

Ju dunglim Jisunü Galilee ching tsah, tümütüsho Jihudarünü api laksahpü yimkhinü Judea ching tsahpü mükünde alakheah.

YUNIRÜBO RHIMO 10:38

Nüsanü Nazarethrü Jisu kheak Thrünpuhnü Amüsüh Me tüsho wu dungkihkhi mükheahlah. Apinü lüpdükhi atsü rhimode tüsho Arimri wu bukkhüp lakhi alala thsüngude yü, tümüde api lung Thrünpuh lakheah.

YUNIRÜBO RHIMO 18:4

Apinü sinagog ching Amuni aban atsangachih tüsho Jihudarü le Greekrü mushuyukpü mürang.

YUNIRÜBO RHIMO 20:25

Tüsho kheakü kheahang, inü nüsa bolung kiulongthsü thsangyuthsangrakhi alalanü I miro müngülo.

YUNIRÜBO RHIMO 28:31

Mulong tode tüsho müdukiuhlode apinü Thrünpuh kiulongthsü thsangyuthsangra tüsho Atungpuh Jisu Khrista dünkheak thsangyu.

ROMRÜ KILIM PAULNÜ ATHRÜTKHI KIHÜM HUHTANYU 10:15

Tüsho arü thiyia mülasho mihtsürübonü küde thsah thsangyuthsangraba? Ha thrüta lah, “Thiyusheak atsü thsangyuthsangrarü jing küdükhüh she akhamla!”