MATHI 2:18 - AMÜSÜH HÜM CL Bible (BSI)

¹⁸ “Rama ching mitripkhi tüsho tode tüzhokhi düsheak so, Rachelnü atsührübo thsungkheak tripchoh tüsho mulong shukheampü thsunglochoh, tümütüsho arübo kheaküa müla.”

MATHI 2:18 Cross References

THRÜNTAN 37:30

Apinü akeoniorübo kilim yülo tüsho tha, “Azübuh müla; tüsho I külim yüba?”

THRÜNTAN 42:36

Arü abuh Jakobnü arü ki tha, “Nüsanü I tsührübo dükheakshihdo: Josep le Simeon müladebahdo, tüsho nüsanü Benjamin bede tsonelah. Harü alala I azhihkhi lah.”

JOB HU H T ANYU 14:10

Tüshe mihtsürü shechoh tüsho abukkhüp yapshihchoh; mihtsürü shechoh tüsho api küching la?

JEREMIA 31:15

Atungpuhnü ha thachoh: Rama ching düsheak khülang, atüzhokhi tüsho düsüknimde atripkhi sochoh. Rachelnü anihbe tsührü thsungkheak tripchoh; alibenü anihbe tsührübo thsungkheak shukheamkhi thsunglochoh, tümütüsho kheaküa arü müla.

JEREMIA 4:31

Tümüde azoberü thsünüchoki nangde azhikhi khülang inü sodo, anihbe tsührü atuzuk zübechoki nangde, Zion azhikhinü sheak dükipchoh, anihbe khah chungkihchoh, “ I ayokhe! I mihkhukrü miki sheshihchoh!”

EZEKIEL 2:10

Apinü ju I miki trün; ju thripkhüh thripkhüh tüzhokhi le mitripkhi tüsho ayokhe yubo thrüta lakheah.

MATHI 2:17

Judüki Jeremia wukihrünü athakhi dünji:

LUKNÜ ATHRÜTKHI THIYUSHEAK-ATSÜ HUHTANYU 8:52

Kheakü alalanü alibe thsungkheak trip tüsho tüzho; tüshe apinü tha, “Dütrip; alibe müshe, tüshe yaplah.”

AMIKHEAKAKHIUKKHI 8:13

Judüki inü kheah, tüsho müleangnü thüning phulung phinde achangnü akhungkhi inü so, “Yunirü püpü mahsamnü hulipungpung mütpü lakhi dünkheak alomi ching larübo Are! Are! Are!”