MATHI 2:11 - AMÜSÜH HÜM CL Bible (BSI)

¹¹ Tüsho küyimki arü thüyam ching yüzahkhea, arünü azürü ju abe Mari lung ngü, tüsho mükhümbah api kingaün. Tüsho arünü thsambah düm trünbah api kilim suna, jinjinlak, tüsho rhümthüneabe thsambahbo jih.

MATHI 2:11 Cross References

THRÜNTAN 43:11

Tüsho arü abuh Israelnü arü ki tha, “Jude athsübeasho, hade thsang: Lomi chingnü akhiukkhi atsüdak sangaso khürü nüsa hahbo ching hanbah mihtsürübuh kilim thsambah thsüde yükiang–molike tüsho mukhuke anükhüh, rhümthüneabe tüsho jinjinlak, pista sangaso tüsho almondbo.

1 KIULONG THSÜRÜ 10:10

Judüki alibenü kiulongthsüpuh kilim suna khahngak 4000 akumung mungji aphuaphu ahihdo tüsho amo-achak lungbo jih; Sheba kiulongthsübenü kiulongthsüpuh Solomon kilim jihkhi mungji aphuaphu hadükhüh küyimkishe hande marüde alakheah.

1 KIULONG THSÜRÜ 10:2

Alibenü maba-thsürü ahihdo lung mungji aphuaphu hankhi kemelbo, suna ahihdo, tüsho amo-achak lungbo hanbah Jirusalem lim arü; tüsho küyimki alibe ju Solomon ki arükhea, alibenü alüm ching lakhi alala api ki tha.

MUNGSHIKHÜN 2:12

Ajanang tüsho api ki khukningang; jude yungsho nahde abukakhiukbah tüsho nüsa zukleangnü limro ching dükheakbah. Sherübo api kheak tsoyukchonü asühpü.

MUNGSHIKHÜN 45:8

Nü khimmihbo alala rhümthüneabe, aloe tüsho kassianü rhümthüneashih, thsotorü yambo chingnü arünü nü asühshih.

MUNGSHIKHÜN 72:10

Tarshish tüsho kekung-lo kiulongthsürübonü thsambahbo hande arübah; Sheba tüsho Seba kiulongthsürübonü thsambahbo jihbah.

MUNGSHIKHÜN 72:15

Tüsho api alabah; Sheba suna api kilim jihbah; api kilim tamkhüntamnü she mutukzhakde athsübah, tüsho nimung aban api shijihbah.

MUNGSHIKHÜN 95:6

O arang, isanü kingaünanü tüsho mükhümanü; isanü Atungpuh isa Thrünrü miki khukninganü.

ABEKHIT 30:23

“Atsüdak thüneathürabe harü luang: rhümthüneabe azhihzhih khahngak 6, aniung neakrüm-sungsung khahngak 3, thüre athüneabe khahngak 3,

ABEKHIT 30:34

Atungpuhnü Mosa ki tha, “Thüneathürabe–ano, onika, galbanun tüsho jinjinlak müthsün luang; jurübo adünkhi rukhüh lang alabah.

KHÜNBOLUNGKHÜN 3:6

Sunglo chingnü mokhüh chitthulung, arhümthüneabe tüsho jinjinlak münimde, yinzüyindorü yo rhümthüneabe kukruk alala lubah athsükhibo nangde yükihcho ha she a?

ISAIA 60:6

Mükhebinkhi kemelbonü nü lomi zündobah, Midia tüsho Epha kemel nunubo; Sheba ching yo alala arübah. Arünü suna tüsho jinjinlak handarübah, tüsho Atungpuh mung shikhi zhiyukjihbah.

LEVI 6:15

Arünü ayikangkang müyikhüh, müdangke, tüsho ju kheak lakhi rhümthüneabe lubah mümihpü thsüde Atungpuh kilim kingaünpung kheak takbah. Ha kingaünkhi rhümnü Atungpuh asühshihchoh.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

WÜHKHE 7:14

shekel 10 dünkhi arhümthüneabe zahde suna mopungphüh 1;

WÜHKHE 7:86

suna mopungphüh 12 arhümthüneabe zahkhi arüngyam ching yo shekel 10 dünkhi suna mopungphüh alala dünkhi ju shekel 120;

MATHI 1:18

Jisu Khrista zübekhi hanangde alakheah: Abe Mari ju Josep ki rhangpü thiyu zoa lachoki, ane mülayide, Amüsüh Me hode alibe mübünkeangde kam.

MATHI 12:46

Küyimki api boto ki asukachihde alakheanü, abe le akeoniorübo api ki asukachihpü künde wungdo zhipde alakheah.

MATHI 14:33

Judüki sangkung ching larübo arü tüsho api kingaünde tha, “Tsükjide nü a Thrünpuh tsührü ah.”

MATHI 2:10

Küyimki arünü chining ju angükhea, arünü khide tode asühachih.

MATHI 2:2

tüsho keokhi, “Jihudarü kiulongthsüpuh zübekhi ju küching la? Isanü api chining aniakhiuklim ngüdo tüsho api kingaünpü arükheah.”

LUKNÜ ATHRÜTKHI THIYUSHEAK-ATSÜ HUHTANYU 2:16

Arünü niokheamde yü tüsho Mari le Josep tüsho khungarü hi-müjakpung ching yapde ngü.

LUKNÜ ATHRÜTKHI THIYUSHEAK-ATSÜ HUHTANYU 2:38

Tüsho ju kim ching atubah alibenü Thrünpuh ki makshe jih, tüsho Jirusalem rhokhitpü kheahde alarü alala ki api dünkheak asuk.

JOHAN 19:39

Tüsho akhuhlim Jisu kilim azhing ching arübuh Nikodemanü jinjinlak tüsho aloe düsahkhi rhümthüneabe khahngak 30 bande lubah arü.

AMIKHEAKAKHIUKKHI 19:10

Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.

AMIKHEAKAKHIUKKHI 5:8

Tüsho küyimki apinü küpqiu lukheanü, arhang shiwüh phüyi tüsho azothsürü mukukheak phüyi, arü abannü akinrübo tamkhüntamnü bingkhung tüsho rhümthüneanü mide suna phurusükbo shuhbah Namfimihnunu miki khukning;

1 SAMUEL 10:27

Tüshe amüthülünkhi mihtsürü khürünü tha, “ Ha buh mihtsürünü küde thsah isa khümkhitkhukpü?” Arünü api mükhemükim thsü tüsho api kilim thsambah lubah marüjih. Tüshe apinü amüsomürang thsüabah.