MATHI 19:9 - AMÜSÜH HÜM CL Bible (BSI)

⁹ Tüsho inü nüsa ki thachoh, yüliyürakhi kheak hode shepünü nihbuh niuberü bahbah püpürü luchonü müzammüram yihbeakchoh; tüsho bah-a lakhi liberü shepünü luchonü müzammüram yihbeakchoh.”

MATHI 19:9 Cross References

THRÜNTAN 20:3

Tüshe azhing milim ching Thrünpuh Abimelek kilim arü, tüsho tha, “Nü ashebah, tümütüsho nünü ha liberü ludo; anihbe arhangkhi liberü ah.”

2 KIUTHSÜYUKHEAN 21:11

Kheaküshe apinü Juda awung lomi ching achang dangpungbo thsü, tüsho Jirusalem ching larü müthülünde kamshih, tüsho Juda ju bahkhide tsoshih.

JEREMIA 3:1

Athrürü khülangnü aniube bahbah api kinü tsosho tüsho püpürü thrürü niuberü kamsho, apinü alibe kilim yüloba de? Hadürü lo ju tode mümüneanba de? Nünü müyamrü ahihdo kheak müzammüramdo; tüsho nü I kilim arüloba de? Atungpuhnü thachoh.

JEREMIA 3:8

Akin mülakhi, Israel, müzammüramkhi hode abahkhi yukhüm jihbah alibe inü atsoshihkhi anihbenü ngü; tütüshe dükde mülakhi anihbe achi Judanü mütre, tüshe anihbe she yü tüsho müzammüram rhimo.

EZEKIEL 16:15

Tüshe nünü nü akheahakhamkhi ching mulonglam tüsho nü mungthu lakhinü müzammüram ahori. Nünü atsahhorü khürü kheak müzammüram thsüde nü arü yo kamshih.

EZEKIEL 16:29

Judüki nünü shothsümolorü lomi Babilonrü kheak müzammüram alü kam tüshe junü she nü reangmükeamde alakheah.

EZEKIEL 16:8

Ju dunglim I hode yü, tüsho nü kheak kheah; nü ju muzhoachihpü kim lakheah. Inü I khim münkheam nü kheak züngkihjih tüsho nü bünkeang lakhi lüpdojih. Inü nü ki thiyuchihchim jih tüsho nü kheak tangzüngpü ching yüzah, Wuto Atungpuhnü thachoh, tüsho nü I yo kam.

MATHI 19:10

Api jingyanrübonü api ki tha, “Athrürü tüsho api niube dükeak jude lasho, yamkhün müthsükhi atsübe ah.”

MATHI 19:8

Apinü arü ki alo, “Nüsa mulong müküpkhi hode Mosanü nüsa ki nüsa niuberü bahpü mülükheah, tüshe atankih chingnü a jude müla.

MATHI 5:32

Tüshe inü nüsa ki thapü ju khürünü yamkhün ching thiyuro mülakhi kheak hode nihbuh niuberü bahsho alibe ju müzammüramrü kamshihchoh, tüsho shepünü abahkhi liberü lubanü müzammüram yihbeakchoh.

LUKNÜ ATHRÜTKHI THIYUSHEAK-ATSÜ HUHTANYU 16:18

“Shepünü niuberü bahbah püpürü luchonü müzammüram yihbeakchoh; tüsho shepünü anihbuhnü abahkhi lubanü müzammüram yihbeakchoh.

1 KORINT 5:1

Amükinrü bolung she müdünjikhi, nüsa bolung mihtsürü khülangnü bethsürü lung lakhi müzammüram lah de atsütsü thiyusheak jihdo.

1 KORINT 7:39

Niuberü ju aniubuh la khiungdüa zuzu müla. Aniubuh shesho, alibenü amulongkhi Khristanrü ki lang arhangpü zuzu labah.

1 KORINT 7:4

Tümüde niuberünü nihbe pang kurungkheak atungrü müthsü, tüshe niubuhrünü ahorichoh; junangde niubuhrünü nihbuh pang kurungkheak atungrü müthsü, tüshe niuberünü ahorichoh.