MATHI 17:5 - AMÜSÜH HÜM CL Bible (BSI)

⁵ Api thade alachoki, amo ayinatrüm khülangnü arü liudo, tüsho amo chingnü düsheak khülangnü tha, “Ha inü amuzhokhi I tsührü; api kheak inü mulong keamchoh. Api ki aniang!”

MATHI 17:5 Cross References

JOB HU H T ANYU 38:1

Judüki Atungpuhnü chinthrüm chingnü Job ki alo:

MUNGSHIKHÜN 81:7

Nünü küpkhukchoki ji, tüsho inü nü bekhit; inü tsüngmuk ajik dangpung chingnü nü ki alo, inü nü Meriba kebo ching rükakheah.

ABEKHIT 19:19

Tüsho küyimki hulipungpung shangde mütbah achangbe tüsho achangbe kamkhea, Mosanü asuk, tüsho Thrünpuh düsheaknü api ki alo.

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

ISAIA 42:21

Atungpuhnü api thiyuro-lungki dünkheak api thsangyukhi thushihpü tüsho ju müretahde kamshihpü asühdo.

MATHI 12:18

“Ha ching inü amokhitkhi I yamlarü, inü amuzhokhi tüsho inü asühkhi lah; inü api kheak I me lashihbah, tüsho apinü trükshihbo ki thiyuro zhiyukbah.

MATHI 17:6

Küyimki jingyanrübonü ha sokhea, arünü trede arü miro alo lim mükhüm.

MATHI 3:17

Tüsho zukleangnü yinmi chingnü düsheak khülangnü tha, “Ha inü tsüde mulong keamkhi, amuzhokhi I tsührü ah.”

MARK 1:11

Tüsho yinmi chingnü düsheak khülang arü: “Nü inü amuzhokhi I tsührü; nü kheak I mulong keamchoh.”

MARK 9:7

Tüsho amo khülang arübah arü hingdo; tüsho amo chingnü düsheak khülang arü, “Ha inü amuzhokhi tsührü. Api ki aniang!”

LUKNÜ ATHRÜTKHI THIYUSHEAK-ATSÜ HUHTANYU 3:22

tüsho müthrithrümpü nangde Amüsüh Me api kheak aki, tüsho yinmi chingnü düsheak khülang arü, “Nü inü amuzhodakkhi tsührü; nü kheak inü tsüde mulong keamchoh.”

JOHAN 3:16

“Tümütüsho Thrünpuhnü alomiküp muzhokhinü api tsührü lapkhiung jih, junangde shepünü api kheak kinbanü müdükheak tüshe akheam müla rhangdung labah.

JOHAN 3:35

Abuhnü atsührü muzhochoh, tüsho lüpdükhi api khah ching jihdo.

JOHAN 5:37

Tüsho I Buh shepünü I thiyikheanü I thiyumütsan thsüchoh, nüsanü küyimkishe api düsheak muso yungsho api pang müngü.

YUNIRÜBO RHIMO 1:9

Kheakü küyimki apinü harü thakhea, arünü kheahde alachoki api bekih, tüsho arü mük kinü api ju amonü liudoabah.

YUNIRÜBO RHIMO 7:37

Mosa hanü Israelrü ki tha, ‘Apinü I bemusukhi nangde Thrünpuhnü nüsa thsungkheak wukihrü khülang nüsa keoniorü bolungnü akhiukshihbah.’

EFISIA 1:6

ju apinü muzhodakbuh lung isa kheak akeangnü ajihkhi api müretahkhi amüthsüm shijihpü lakheah.

YUZÜNGTHALO 18:15

Atungpuh nüsa Thrünpuhnü nüsa thsungkheak wukihrü I nangde nüsa tüsho keoniorü bolungnü akhiukshihbah. Nüsanü api ki anibah.

YUZÜNGTHALO 18:19

Tüsho I mung ching apinü athakhi I yubo sherünü manibanü inü jurü thsümüchibah.

YUZÜNGTHALO 5:22

“Atungpuhnü ha yubo alala awung ching mo phulung, amo, azhingdokhi ching düsheak atonü nüsa amukhungrü alala ki thado; tüsho apinü püpü tümü mütha. Tüsho apinü jurübo lungbeak mahne kheak thrütbahle I kilim jih.

KOLOSI 1:13

Apinü amiting yakzan shuhkhi chingnü isa bekhit tüsho apinü muzhokhi tsührü kiulongthsü ching beakhinjih,

IBRI 5:9

tüsho khiukdahkhi kamde api ju anihbuh ki mihyuanirü alala yo lünnü akhümkhit limro kam,

AMIKHEAKAKHIUKKHI 1:7

Kheahang, api amobo chingnü arüchoh, tüsho mihbüm aban, api chinkhitshihkhi müknü api ngübah; tüsho alomi trükbo alalanü api dünkheak tüzhobah. Junangde alabah. Amen.

AMIKHEAKAKHIUKKHI 14:14

Judüki inü kheah, tüsho ju ching amo amüye lakheah, tüsho amo kheak binkhi ju mihtsürü nangde, aku kheak suna kuthran thran tüsho akhah ching hirhüpbe ayuk khülang lakheah.