MATHI 11:5 - AMÜSÜH HÜM CL Bible (BSI)

⁵ Müktukrünü ngüchoh tüsho jingkikrünü tsahchoh; apham kihrü müsühkhitdo tüsho nükhünpeangrünü sochoh; asherü arhang kamloshihdo tüsho zhochihrü ki thiyusheak atsü thsangyudo.

MATHI 11:5 Cross References

2 KIULONG THSÜRÜ 5:14

Jumonü apinü yüki tüsho Thrünpuh mihtsürü yu yande Jordan ching thüne ki yüzah; azürü nunu shihtsü nangde api shihtsü thsüngu tüsho api müsühde kam.

2 KIULONG THSÜRÜ 5:7

Küyimki Israel kiulongthsüpuhnü kihüm khekhea, apinü anihbuh khim thorüp tüsho tha, “Asheshihpü yungsho rhangdung lashihpü thsüde I Thrünpuh ah de, ha buh mihtsürünü api mihtsürü apham thsüngushihpü I kilim thiyu arüshihcho de? Kheakü künangde apinü I kheak rukachihpü thsüchonü kheahang.”

MUNGSHIKHÜN 146:8

Atungpuhnü müktukrü mükbo khimshuhjihchoh; Atungpuhnü mükhüma larü bemusuchoh; Atungpuhnü thiyuro-lungkirü muzhochoh.

MUNGSHIKHÜN 22:26

Zhochihrünü atsühbah tüsho reangkeambah; sherünü api yimchonü Atungpuh shijihbah. Arü kamruhroro latsühlayung lashang!

ABEKHIT 4:11

Atungpuhnü api ki tha, “Shepünü mihtsürü mün thsüjihkhea? Shepünü mulo kikshihcho, yungsho nükhün peangshihcho, ngüshihcho yungsho mük dukshihcho? Ju I Atungpuh yung de?

ISAIA 29:18

Ju nimung nükhünpeangrünü thrütqiu yubo sobah, tüsho azhingdokhi tüsho amiting chingnü müktukrü müknü angübah.

ISAIA 29:19

Azhihayihrünü Atungpuh kheak asühachihkhi rünkihbah, tüsho küpkhukrü mihtsürünü Israel Amüsühbuh Khülang kheak asühkhi labah.

ISAIA 43:8

Müktukrü mihtsürübo bedarang, tütüshe sherü mükbo la, sherü nükhün peanga la, tütüshe nükhünbo kihla!

ISAIA 66:2

Harü alala I khahnü thrün, jumonü ha alala I yo, Atungpuhnü thachoh. Tüshe azhihayih tüsho mulong rholokhi, tüsho I yu sobah ajanrü kheak inü akheahbah.

ZEKARIA 11:7

Jumonü, namfimihnu yinzüyindorü thsung thsüde I alaksahpü akhukhi namfimihnu boto neakrü kamdo. Inü tso mahne ludo; khülang mung inü Mihmüthsüm, püpü ki Arihako de jilah, tüsho inü namfimihnu kümchoh.

MATHI 10:8

Tukthsü thsünguang, apham kihrü müsühkhitang, asherü arhang kamloshang, amünean me yankhitang. Nüsanü akeangnü leangkhido, akeangnü jihang.

MATHI 11:4

Jisunü arü ki alo, “Yüang tüsho nüsanü tümü socho tüsho ngüchonü Johan ki thaang:

MATHI 12:13

Judüki apinü mihtsürü ki tha, “Nü khah chungang.” Apinü chung, tüsho khülim nangde tsüabah.

MATHI 21:14

Müktukrü le jingkikrü arüngyam ching api kilim arü, tüsho apinü arü thsüngu.

MATHI 5:3

“Me ching zholümde alarübo asühpü, tümüde yinmi kiulongthsü arü yo.

MATHI 9:30

Tüsho ane mükbo khimshuh. Jisunü ane ki müküpde tha, “Ha she ki she dütha.”

MARK 7:37

Tüsho arünü hodakde müyinsahde tha, “Apinü alala tsüde rhimodo. Apinü nükhünpeangrünü soshih tüsho mulokikrünü thashih.”

MARK 9:25

Küyimki Jisunü boto alihde arüde angükhea, apinü amünean me ki thürühde tha, “Nü nükhünpeangkhi tüsho aduh me, inü nü ki thiyukhüm jihchoh, api kheaknü akhiukang tüsho api kheak düyüzahlo.”

LUKNÜ ATHRÜTKHI THIYUSHEAK-ATSÜ HUHTANYU 4:18

“Atungpuh Me I kheak lah tümütüsho zhochihrü ki thiyusheak atsü thsangyuthsangrapü apinü I mujude-müsühkhit. Apinü I aramrübo dükhepü zhiyukpü tüsho müktukrü ngüshihpü, junoa larü zuzu kamshihpü,

JOHAN 10:25

Jisunü arü ki alo, “Inü nüsa ki thado, tüshe nüsanü mükin. Inü I Buh mung chingnü arhimokhibonü I thiyumütsanbo jihchoh.

JOHAN 10:38

tüshe inü rhimosho, nüsanü I mükina lalashe, rhimobo kinang, junangde I Buh I kheak lah tüsho l api kheak lah de nüsanü amükheahbah tüsho akinbah.”

JOHAN 2:23

Küyimki api phungho-thünio lachoki Jirusalem ching lakhea, apinü khinthiyinbe rhimokhi ngüchoki ahihkhühnü api mung ching kin.

JOHAN 3:2

Ha mihtsürünü azhing ching Jisu ki arübah tha, “Rabbi, nü a Thrünpuh kilimnü arükhi thsangyurü ah de isanü mükheahlah; tümütüsho api lung Thrünpuh müladüa nünü arhimokhi harü khinthiyinbebo shenü mürhimokhuk.”

JOHAN 5:36

Tüshe Johan kheaknü I thiyumütsan atobe lah; tümüde abanshihpü I Buhnü ajihkhi rhimo, tüsho inü rhimode alakhinü Abuhnü I thiyikheah de thiyumütsan thsüchoh.

JOHAN 9:7

Tüsho apinü anihbuh ki tha, “Yübah Siloam (amütsan yüshih) kekhip chingnü müsühang.” Jumonü apinü yübah müsüh tüsho ngüde alodarü.

YUNIRÜBO RHIMO 2:22

“Israel mihtsürübo, harü yubo aniang: Nazarethrü Jisu ju khinthiyinbebo, amüyinsahbebo tüsho amütsanbo hode Thrünpuhnü nüsa kilim jih, ju nüsa küdah thsüde mükheahlah.

JAKOB 2:5

Aniang, inü muzhokhi keoniorübo. Akin ching alarü thsüpü tüsho apinü amuzhorü ki alokhikhi kiulongthsü yamrüplurüp lupü Thrünpuhnü zhochihrü mokhitkhi yung de?