MATHI 11:17 - AMÜSÜH HÜM CL Bible (BSI)

¹⁷ ‘Isanü nüsa thsungkheak khungpi khungdo, tüshe nüsanü mütsün; isanü nüsa ki mitrip khün thsü, tüshe nüsanü mütüzho.’

MATHI 11:17 Cross References

THRÜNTAN 50:10

Küyimki arübo Jordan hobah Atad rhimopung ching arükhea, arünü khide tode mulong rozhakde tüzho. Josepnü nimung thüne abuh tüzho.

1 KIULONG THSÜRÜ 1:40

Tüsho mihtsürü alalanü khungpibo khungde tüsho arü alankhinü alo ajanpü thsüde khide asühachihde api yande wutu.

ISAIA 30:29

Amüsüh thünio tsüngre nangde nüsanü khün thsübah; tüsho Israel Lung, Atungpuh wung lim tsahmusuchoki khürünü khungpi khungkhi nangde, mulong asühkhi labah.

JEREMIA 31:4

Kheaküshe inü nü bemusubah, tüsho nü thsülobah, O atsangkhit Israel! Kheaküshe nünü züpzüppü lubah tüsho asühde tsünde ayübah.

MATHI 11:16

“Inü ha lün tümü kheak akeba? Arübo yinzüyindo dangpung ching azürübo arü müyamrübo ki jide abinkhi nangde lah,

MATHI 11:18

Tümüde Johan mütsühyungde arü, tüshe arünü thachoh, ‘Api kheak amünean me lah.’

MATHI 9:15

Jisunü arü ki alo, “Yamkhünkambuh arü lung lachoki amüyamrübonü atüzhopü kukla de? Tüshe arü kinü yamkhün-kambuh bede atsopü nimungbo arübah, tüsho arünü khümkeak thsübah.

MATHI 9:23

Küyimki Jisu ju atorü yam ching yüzahbah khungpi khungrü tüsho mitripde alanajikhi ngükhea,

LUKNÜ ATHRÜTKHI THIYUSHEAK-ATSÜ HUHTANYU 15:25

“Kheakü akhiung ju thulu ching lakheah. Tüsho api alungbah thüyam phünide alachoki, khün tüsho atsünkhi düsheak so.

LUKNÜ ATHRÜTKHI THIYUSHEAK-ATSÜ HUHTANYU 23:27

Tüsho mihtsürü yimto atonü api dunglim yan tüsho aliberübonü she api thsungkheak tripde tüzho.

LUKNÜ ATHRÜTKHI THIYUSHEAK-ATSÜ HUHTANYU 7:32

Arü ju yinzüyindopung ching binkhi tüsho khülangnü khülang ki jiachihkhi azürübo nangde lah, ‘Isanü nüsa ki khungpi khungdo, tüshe nüsanü mütsün; isanü tüzhodo, tüshe nüsanü mütrip.’

LUKNÜ ATHRÜTKHI THIYUSHEAK-ATSÜ HUHTANYU 8:52

Kheakü alalanü alibe thsungkheak trip tüsho tüzho; tüshe apinü tha, “Dütrip; alibe müshe, tüshe yaplah.”