MATHI 10:16 - AMÜSÜH HÜM CL Bible (BSI)

¹⁶ “Kheahang, inü nüsa rimre bolung namfimihnubo nangde yüshihchoh. Jumonü phuruto nangde lümlung laang tüsho müthrithrümpü nangde lümlang thsang.

MATHI 10:16 Cross References

THRÜNTAN 3:1

Kheakü Atungpuh Thrünpuhnü athrünkhi shiwüh alala kheaknü phuruto ju rük amütsü lakheah. Tüsho phurutonü alibe ki keokhi, “Atsütsü shahwün ching lakhi sangdung küpü kheaknü she mütsühpü Thrünpuhnü thadü de?”

THRÜNTAN 3:13

Atungpuh Thrünpuhnü alibe ki tha, “Tümü thsükhi nünü ha rhimokhea?” Alibenü alo, “Phurutonü I mülapyukjih, tüsho inü tsüh.”

NEHEMIA 4:13

Jumonü inü guk aban chingnü nuk, thsüh tüsho sanglüh shuhbah wungdo ching chipi abolim mubuhbah jimde binshih.

JEREMIA 40:16

Tüshe Ahikam tsührü Gedalianü Karea tsührü Johanan ki tha, “Hadürü dürhimo, tümüde nünü Ishmael dünkheak akeangyu thachoh.”

HOSEA 7:11

Ephraim a müthrithrümpü nangde kamdo, makhalah tüsho sulüm müla; arünü Ijip ki jichoh, arünü Asiria lim yüchoh.

MATHI 24:25

Kheahang inü nüsa ki amüngühnü thado.

MATHI 24:45

“Judüasho nihbuh putungrünü arü kilim kim dükdü ching tsühyungbe jihshihpü api yamlarübo kurungkheak zojihkhi akin-lakhi tüsho lümlung lakhi yamlarü ju she a?

MATHI 25:2

Kheakü arü 5 lümlung larü, tüsho 5 lümlung mülarü lakheah.

MATHI 25:4

tüshe lümlung larübonü arü tsünpungbo lungnü arü langpung ching moke han.

MATHI 25:9

Tüshe lümlung larübonü alo, ‘Muh, isa le nüsa chido thsungkheak musuhdah; judüpü dün a ayinrü kilim yübah nüsa thsungkheak thuloang.’

LUKNÜ ATHRÜTKHI THIYUSHEAK-ATSÜ HUHTANYU 10:3

Nüsa limro yüang; kheahang, inü nüsa rimre bolung namfimihnunubo nangde yüshihchoh.

LUKNÜ ATHRÜTKHI THIYUSHEAK-ATSÜ HUHTANYU 21:15

tümüde nüsa azhihrü alalanü mazhihkhukpü yungsho müdanglokhukpü thsüde inü nüsa kilim thiyu tüsho lümlungbo jihbah.

YUNIRÜBO RHIMO 20:29

I chamachihshu namfimihnu boto maningshihpü rimre amütsü nüsa bolung arübah de inü mükheahlah;

1 KORINT 14:20

Keoniorübo, nüsa lümzülümdo ching azürü düthsü, amütsü ching khungarü thsang, tüshe lümzülümdo ching azorü kamang.

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

2 KORINT 11:14

Tüsho amüyinsahpü müla, tümüde Arimrinü she api ju ayin yo yunirü ah de müthria huhchoh.

2 KORINT 11:3

Tüshe inü trejihde alakhi ju phurutonü arük hode Eve mülapyukkhi nangde, lümrhangkhi tüsho Khrista kilim shuhmülanga jihkhi chingnü nüsa lümkhibo bephülapde atsobah.

2 KORINT 8:20

Isanü rhimode alakhi arung thsambah thsungkheak shenü matsangbeah de isanü lümlah,

FILIPI 2:15

junangde nüsa areak mükihde tüsho amülim mülade, ha akhürang tüsho bephülap lün ching Thrünpuh tsührübo thsüde, arü bolung alomiküp ching ayin nangde tahde,

KOLOSI 1:9

Jumonü isanü ju sokhi nimungnü, me lümlung tüsho anikhitkhi alala ching api lümkhi mükheahmudunü nüsa mide akampü keokhide nüsa thsungkheak tamkhüntamnüpü isanü anüzhak müthsü,

KOLOSI 4:5

Nü kim tsüde ahoride, amükinrü ki lümlung lade rhimoang.

1 TESALONIKA 2:10

Isa künangde nüsa ki amüsüh, thiyurolungki tüsho amudopü mülade nüsa akinrübo ki yakli lakheanü, nüsa tüsho Thrünpuh she isa thiyumütsanbo lah;

1 TESALONIKA 5:22

amütsü mungjibo chingnü bahkhiang.