MAHKHAPRÜ 8:18 - AMÜSÜH HÜM CL Bible (BSI)

¹⁸ Judüki apinü Zeba tüsho Zalmunna ki tha, “Nüsanü Tabor ching laksahkhi mihtsürübo küruk a?” Anenü alo, “ Arübo nü ruk lakheah; arübo kiulongthsürü tsührübo kiphahde alakheah.”

MAHKHAPRÜ 8:18 Cross References

2 KIULONG THSÜRÜ 1:7

Apinü arü ki tha, “Nüsa shorupü arübah hadürü nüsa ki thabuh ju küdürü mihtsürü a?”

MUNGSHIKHÜN 12:2

Mihbüm abannü api yamhingrü ki akeangyu thachoh; arünü münjipjipde mülapyukchoh.

MUNGSHIKHÜN 89:12

Dukulim tüsho düjinglim nünü thrün; Tabor tüsho Hermon nü mung ching asühachihchoh.

EZEKIEL 23:15

arü chimbo mükamde pangrümbe rüm tüsho arü kubo kheak akheahakham kuhingbebo lakheah; arü alala Kaldea ching asürükhi Babilon wühkenorübo nangde lah.

JUDNÜ ATHRÜTKHI KIHÜM HUHTANYU 1:16

Harübo ju jijineahneahrü tüsho mührü müdamrü, nihbuh amütsü künkhi yanchoh, thiyu-tode kükheangchoh, alü thsüpü mihtsürü thsungyukchoh.

MAHKHAPRÜ 4:12

Tüsho Abinoam tsührü Barak ju Tabor wung ching wutudo de arünü Sisera ki thiyusheak jih.

MAHKHAPRÜ 4:6

Alibenü Naphtali ching lakhi Kadesh ching Abinoam tsührü Barak kilim yüshihde tha, “Atungpuh Israel Thrünpuhnü nü ki thiyukhüm jihchoh: Yüang tüsho Naphtali le Zebulun mihtsürü 10,000 bebah Tabor wung lim yüang.

MAHKHAPRÜ 8:17

Tüsho apinü Penuel aheangsadam lukkheam tüsho kiuto mihtsürübo laksah.

MAHKHAPRÜ 8:19

Tüsho apinü tha, “ Arübo I be tsührü I keoniorü ah; Atungpuh lale, nünü arü rhangdung khümkhita lashihkhülaa, inü nüke mülaksah.”

MAHKHAPRÜ 8:5

Jumonü apinü Sukkoth mihtsürübo ki tha, “ Muzhobah I lung arürü kilim yikhap jihang, tümüde arü keaka lah, tüsho I Midia kiulongthsürü Zeba tüsho Zalmunna müshamchoh.”