MAHKHAPRÜ 2:5 - AMÜSÜH HÜM CL Bible (BSI)

⁵ Tüsho arünü ju dangpung mung ju Bokim de ji; tüsho ju ching arünü Atungpuh kilim laksah-a kingaün jih.

MAHKHAPRÜ 2:5 Cross References

THRÜNTAN 35:8

Kheakü Rebeka mütrübe Debora sheabah, tüsho Bethel bukkhüp thülamdung khüp kiuyukabah. Jumonü ju mung Allon Bakuth de ji.

JIHUSUA 7:26

Arünü api kheak lung ashang rhungkih, ju khihni khiungde lah. Judüki Atungpuhnü api bukakhiukkhi chingnü rholo. Jumonü ju dangpung ki Akor Dükhün de jichoh.

MAHKHAPRÜ 13:19

Jumonü Manoanü hi kingaün lung mihnu nunu lubah Atungpuh kilim lungto kheak jih. Tüsho Manoa le aniube anenü ju kheak kheahchoki apinü amüyinsahbe rhimo thsü:

MAHKHAPRÜ 2:1

Judüki Atungpuh yunirü Gilgal chingnü Bokim ching atu tüsho tha, “Inü nüsa Ijip chingnü bekhit tüsho inü nüsa jipürü ki alokhikhi lomi ching bedarü; tüsho inü tha, ‘Inü küyimkishe nüsa ki tangzüngkhi müthsümünim.

MAHKHAPRÜ 2:4

Junangde küyimki Atungpuh yunirünü Israelrü alala ki thiyu harü ha asukkhea, mihtsürübonü arü düsheak achangnü trip.

MAHKHAPRÜ 2:6

Küyimki Jihusuanü mihtsürübo ju müzütshihkhea, Israel tsührübo abannü alo müküh-a lupü nihbuh yamrüplurüp lim yü.

MAHKHAPRÜ 6:24

Jumonü Gideonnü ju ching Atungpuh kilim kingaün sadam khülang thsü, tüsho ju ki, “Atungpuh ju mungtsü” de ji. Khihni khiungde ha Abiezerrü yo Ophra ching lah.

1 SAMUEL 7:9

Jumonü Samuelnü namfimihnunu lubah Atungpuh kilim abümnü taka kingaün; Samuelnü Israel thsungkheak Atungpuh ki zhi, tüsho Atungpuhnü api ki alojih.