MAHKHAPRÜ 13:8 - AMÜSÜH HÜM CL Bible (BSI)

⁸ Judüki Manoanü Atungpuh ki tamkhüntamnü tüsho tha, “O I tungpuh, muzhobah nünü athiyikhi Thrünpuh mihtsürü isa kilim alode arüshang tüsho azübepü lakhi khungarü thsungkheak isanü tümü rhimobeanü isa ki thsangyushang.”

MAHKHAPRÜ 13:8 Cross References

JOB HU H T ANYU 34:32

inü müngükhukkhi I ki thsangyuang; inü amülim rhimoa lasho, inü ju mürhimolo”?

YUNIRÜBO RHIMO 9:6

tüshe asürang tüsho kiuto ching yüzahang, tüsho tümü rhimobeanü nü ki thabah.”

MAHKHAPRÜ 13:11

Jumonü Manoanü wusubah aniube yande yü. Küyimki api mihtsürü kilim arükhea, apinü anihbuh ki tha, “Nü ha liberü ki asukbuh mihtsürü a de?” Tüsho apinü tha, “I ah.”

MAHKHAPRÜ 13:3

Tüsho Atungpuh yunirü alibe ki akhiuk tüsho tha, “ Kheakü nü aniungyüh ah tüsho tsührü müla, tüshe nü büm makeangde akambah tüsho tsührü khülang labah.

MAHKHAPRÜ 13:6

Jumonü alibenü arübah aniubuh ki tha, “ Thrünpuh mihtsürü khülang I ki arü tüsho api akheahpü ju Thrünpuh yunirü nangde khide amüyinsahbe lakheah; tüshe api küchingnü arükheanü inü api ki mükeokhi, tüsho apinü I ki amung mütha.

MAHKHAPRÜ 13:7

Tüshe apinü I ki tha, ‘ Kheahang, nü büm makeangde akambah tüsho tsührü khülang labah. Kheakü yukhu yungsho amüshangbe tümü she düyung, yungsho amümüsüh tümü dütsüh, tümüde khungarü ju buk chingnü api she nimung khiungde Thrünpuh kilim Nazirit khülang labah.’ ”

MAHKHAPRÜ 13:9

Thrünpuhnü Manoa düsheak ani, tüsho alibe thulu ching binde alachoki Thrünpuh yunirü alode arü; tüshe aniubuh Manoa anihbe lung mülakheah.