MAHKHAPRÜ 1:18 - AMÜSÜH HÜM CL Bible (BSI)

¹⁸ Judanü Gaza, Ashkelon tüsho Ekron lomibo she luabah.

MAHKHAPRÜ 1:18 Cross References

1 KIULONG THSÜRÜ 4:24

Tümüde apinü aniyüzahlim Euphra kewung alala, Tiphsa chingnü Gaza khiungde kiulongthsürübo alala kurungkheak yakzan shuh; tüsho thrip alala ching apinü mungtsü lakheah.

ABEKHIT 23:31

Inü nüsa aredung ju Amürüm Keto kheaknü Filistia Keto, tüsho loshelo chingnü Euphra Ayung khiungde athsüjihbah. Tümüde inü lomi ching larü nüsa khah ching jihbah, tüsho nüsa müngühnü ayankhitbah.

JEREMIA 25:20

khiungkerü larü alala; Uz lomi ching kiulongthsürü alala; Filistia lomi ching kiulongthsürü alala– Ashkelon, Gaza, Ekron, tüsho Ashdod ching aningkhi;

JEREMIA 47:5

Mulong rozhak ato Gaza kheak arüdo, Ashkelon zhikabahdo. O adükhün ching aninga larübo! Küdükhüh nüsa zangrü mulong rozhakba?

YUZÜNGTHALO 2:23

Tüsho kiulongbo ching Gaza khiungde alakhi Avvimrü ju Kaphtor chingnü arükhi Kaphtorrünü arü dükheakshihbah ju ching la.)

JIHUSUA 11:22

Israel ching larü Anakimrü sheshe maningshih; tüshe, Gaza, Gath, tüsho Ashdod ching larü anükhüh aningjih.

JIHUSUA 13:3

tüsho düjinglim Avvim lomi alala. (Ijip aredung yean ching Shihor kenü lo chingnü Ekron aredung yean dukulim khiungde Kananrü de ajikheah; Filistiarü yakzanshuhrü phüngü ju Gaza, Ashdod, Ashkelon, Gath, tüsho Ekron ching lakheah.)

JIHUSUA 15:11

aredung ju Ekron wung dukulim yükihbah, Baala wung hode Shekkeron lim kiklo, tüsho Jabeel khiung; tüsho aredung ju keto chingnü arün ah.

MAHKHAPRÜ 14:19

Judüki Atungpuh me api kheak tode arü, tüsho apinü Ashkelon lim yüki tüsho mihtsürü 30 laksahbah arü khimmih lu tüsho amüthribe khimmih ju akeokhikhi thakhukrü kilim jih. Junangde api khide bukakhiuk, tüsho abuh yam lim alode yü.

MAHKHAPRÜ 16:21

Judüki Filistiarünü api rambah amükjibo khünkhit tüsho Gaza ching bede yü. Arünü api müwayinchi liunü rhük, tüsho rihyam ching hi churü kamabah.

MAHKHAPRÜ 3:3

Filistiarü yakzanshuhrü phüngü, Kananrü alala, Sidonrü tüsho Baal-hermon chingnü Lebo-hamath khiungde Lebanon Müzüng kheak larü Hivrübo.

1 SAMUEL 6:17

Harübo ha Filistiarünü A TUN GPU H kilim amülimkhi kingaün dünkheak mühahlokhi suna mübo; Ashdod, Gaza, Ashkelon, Gath tüsho Ekron arü abande khülang khülang;