MAHKHAPRÜ 1:10 - AMÜSÜH HÜM CL Bible (BSI)

¹⁰ Tüsho Judarünü Kananrübo Hebron (atankih mung Kiriath-arba de ji) ching larübo azhihde yü. Tüsho arünü Sheshai, Ahiman tüsho Talmai laksah.

MAHKHAPRÜ 1:10 Cross References

THRÜNTAN 23:2

Sara Kanan lomi Kiriath-arba (ju Hebron) ching sheabah, tüsho Abrahamnü Sara thsungkheak tüzhopü tüsho mitrippü yü.

THRÜNTAN 37:14

Apinü anihbuh ki tha, “Nü khiung pürü le namfimihnubo tsüde lanahnü muzhobah yünü kheahang, tüsho I kilim thiyusheak lubah arüloang.” Jumonü apinü Hebron jindükhün chingnü thiyia wukhiukshih, tüsho apinü Shekem lim yü.

T H S AN GYU T H S AN GR ARÜ 9:11

Kheaküshe alomiküp ching inü angükhi ju, athride alihrünü kamruhroro malihkhukchoh, mulong zahrünü kamruhroro thirithsü mukukchoh, lümlung larünü kamruhroro jim müngüchoh, kukhiuk ayuk mihtsürünü kamruhroro lakhit müngüchoh, tüsho anikhit mihtsürünü kamruhroro achang ching müyükihchoh. Kuhi amütsü mihbüm abande dünjichoh.

JEREMIA 9:23

Atungpuhnü ha thachoh: Lümlung larü arü lümlung ching dükükheangshih, sühmüh larü arü sühmüh ching dükükheangshih, alarü arü lakhit ching dükükheangshih;

WÜHKHE 13:22

Arünü Negeb lim wutu, tüsho Hebron lim arü; tüsho ju ching Anak atoshang tsührübo Ahiman, Sheshai, tüsho Talmai pürü lakheah. (Hebron ju Ijip ching Zoan kheaknü kam thünenü akhuh thrüna lakheah.)

WÜHKHE 13:33

Tüsho isanü ju ching Nephilimrü ngüdo (Nephilim chingnü arükhi Anak tsührübo); tüsho arü miki isabo sangyü-tangkhobo ruk lang kamdo.”

JIHUSUA 10:36

Jushu, Jihusua tüsho Israelrü alala Eglon chingnü Hebron ching wutubah keochih,

JIHUSUA 14:15

Ha müngüh a Hebron ju Kiriath de ajikheah, (Ha buh Araba ha Anakimrü lung atoshang mihtsürü lakheah). Tüsho kheaküa lomi ching thirithsü müladebah.

MAHKHAPRÜ 1:20

Tüsho Mosanü athakhi nangde arünü Kaleb kilim Hebron jih; tüsho apinü ha chingnü Anak tsührü mahsam yankhitabah.

MAHKHAPRÜ 1:9

Ju dunglim Juda mihtsürübonü Negeb awung lomi ching larübo tüsho adükhün lo ching larü Kananrübo bede thirithsüpü yüki.