LEVI 3:3 - AMÜSÜH HÜM CL Bible (BSI)

³ tüsho mungtsü kingaün chingnü Atungpuh kilim harü taka kingaün jihbah: bukning muhiukhi amüdang tüsho bukning ching lakhi müdangmurubo,

LEVI 3:3 Cross References

MUNGSHIKHÜN 119:70

Harü mihtsürübo anikhitkhi müla, tüshe inü nü yakzan ching asühpü ngüchoh,

ABEKHIT 29:13

Alunglim bukning muhiukhi müdang alala, amüsan atsübe, tüsho amügüe mahne amüdang bede luang tüsho I kilim kingaünde kingaün sadam kheak takang.

ABEKHIT 29:22

“Ha namfimihnupung kheaknü amüdang, amokungro müdang, atrün, amüsan atsübe, amüdang bede amügüe mahne chido tüsho tsülim pho luang. (Ha amüsühkhitbe namfimihnupung ah.)

MÜCHITMUDU 23:26

I tsah-a, nü mulong I kilim jihang tüsho nü mükbo I limrobo lim zoang,

ISAIA 6:10

Ha mihtsürü lümkhi zhazhade kamshang, tüsho arü nükhünbo peangshang, tüsho arü mükbo yihdojang, junangde arünü arü mükbonü mükheah, tüsho arü nükhünbonü mani tüsho arü lümkhibonü manikhit, tüsho rholode müthsüngu.”

EZEKIEL 36:26

Inü mulong aso khülang nü kilim jihbah, tüsho me aso khülang nü kheak yukjihbah; tüsho inü nü pang chingnü lungto mulong yihkhitbah tüsho nü kilim shihtsü mulong khülang jihbah.

EZEKIEL 44:15

Tüshe Levirü amükeamrübo Zadok tsühsoniusobo, Israel mihtsürübo tsophülapchoki, sherünü I yo arüngakopung neakchonü, I tankihpü I thüninde arübah; tüsho arünü amüdang tüsho athiyih jihpü I ki zhipbah, Atungpuh Thrünpuhnü thachoh.

LEVI 1:12

Apinü ju khapthünakshu amükeambuhnü aku tüsho amüdang lua kingaünpung mo takkhi kheak akhinashu thsüde azobah;

LEVI 1:8

Arünü shih khapthünakkhi düdrebo, aku tüsho amüdang mo ching yuka takbah;

LEVI 16:25

Tüsho neak kingaünbe amüdang ju apinü kingaün sadam kheak takbah.

LEVI 3:16

Tüsho amükeambuhnü Atungpuh kilim tsühyungpü kingaün ah de kingaünpung kheak takde arhümthüneakhinü Atungpuh asühshihbah; amüdang alala ju Atungpuh yo.

LEVI 3:2

Apinü kingaün jihkhi shiwüh ku kheak akhahnü animbah tüsho Atungpuh shorupung khimyam ripit kinü alaksahbah. Aron tsührü amükeamrübonü kingaünpung thrip phüyi ching thiyih hiua bahbah,

LEVI 3:4

amügüe mahne lung azungyin ching lakhi amüdang, tüsho amüsan she de amügüe mahne lung yihkhita jihbah.

LEVI 4:10

Apinü mungtsü kingaün thsungkheak shiwüh laksahkhi müdang yihkhitkhi nangde amükeambuhnü ha müdang lubahle kingaünpung kheak taka kingaünbah.

LEVI 7:30

Anihbuh khahnü taka kingaünkhi Atungpuh kilim handarünü ajihbah. Apinü shiwüh müdang tüsho ju lung akhüh ju atsüdakbe thsambah thsüde Atungpuh kilim handarübah.

LEVI 7:5

Amükeambuhnü tsühyungpü kingaün thsüde Atungpuh ki amüdangbo kingaünpung kheak takbah; ha ashaklo kingaün.

LEVI 9:10

tüshe Atungpuhnü Mosa ki thiyukhüm jihkhi nangde, apinü amüdang le amügüebo tüsho amüsan, neak kingaünkhi chingnü lua kingaünpung kheak tak.

MATHI 13:16

“Tüshe nüsa mükbo tüsho nüsa nükhünbo müngühmühi, tümüde arünü ngüchoh tüsho sochoh;

MATHI 15:8

‘Harü mihtsürübonü arü münbonü I ki wüntre jihchoh, tüshe arü mulongbo I kheaknü limshude lah.

ROMRÜ KILIM PAULNÜ ATHRÜTKHI KIHÜM HUHTANYU 5:5

tüsho mulonglamnü isa müshangmangshih, tümütüsho isa kilim jihkhi Amüsüh Me hode Thrünpuh amuzho isa mulong ching yüzahshih.

ROMRÜ KILIM PAULNÜ ATHRÜTKHI KIHÜM HUHTANYU 6:6

Isa awün api lung yümkihdo de isanü mükheahlah, junangde neak lakhi pang thsümünimbah tüsho kheaküa isa ju neak azhorü müthsü.

YUZÜNGTHALO 30:6

Tüsho nü mulong athrünkhinü tüsho nü me athrünkhinü api muzhopü thsüde Atungpuh nü Thrünpuhnü nü mulong tüsho nü tsühsoniuso mulong tsütabahjihbah, junangde nüsa rhangdung labah.

1 SAMUEL 2:15

Kheaküshe amüdang mütakyide, amükeambuh yamlarünü arübah laksah-a kingaünbuh ki thabah, “ Amükeambuh thsungkheaknü amüthreangpü shih jihang; tümüde apinü akhiungkhi shih nüsa kilimnü müleangkhi, tüshe arhang lang.”