JOHAN 9:16 - AMÜSÜH HÜM CL Bible (BSI)

¹⁶ Jumonü Pharisirü khürünü tha, “Ha mihtsürü ju Thrünpuh kilimnü yung, tümütüsho apinü Amuni mümungchoh.” Püpürünü tha, “Aneakrünü küde thsah hadürü khinthiyinbe rhimokhukcho?” Tüsho arü bolung achamnak lakheah.

JOHAN 9:16 Cross References

MATHI 12:10

Tüsho ju ching khah thripshe mihtsürü khülang lakheah. Arünü api ki anihbuh müdampü thsüde keokhi, “Amuni thsüngupü yakzan la de?”

MATHI 12:2

Tüshe küyimki Pharisirünü ju ngükhea, arünü api ki tha, “Kheahang, Amuni tümü mürhimopü yakzan lanü nü jingyanrübonü rhimochoh!”

LUKNÜ ATHRÜTKHI THIYUSHEAK-ATSÜ HUHTANYU 13:14

Tüshe sinagog yakzanshuhbuhnü bukakhiuk, tümütüsho Jisunü Amuni thsüngu; tüsho apinü boto ki tha, “Mihtsürübonü arhimopü nimung thuruk lah; jumonü arang tüsho jurü ching thsüngua lung, tüshe Amuni yung.”

JOHAN 10:19

Jumonü harü yubo dünkheaknü Jihudarü bolung achamnak lakheah.

JOHAN 14:11

I Abuh kheak lah tüsho I kheak Abuh lah de kinang, yungsho rhimobo thsülimnü I kheak kinang.

JOHAN 15:24

Shenü she mürhimokhi inü arü bolung mürhimokhülaa, arü neak mülade alabah; tüshe kheakü arünü ngüdo tüsho I le I Buh chido thraneando.

JOHAN 2:11

Ha akhuhbe khinthiyinbe Jisunü Galilee ching lakhi Kana ching rhimo, tüsho api müretah akhiuka huh; tüsho ajingyanrübonü api kheak kin.

JOHAN 3:2

Ha mihtsürünü azhing ching Jisu ki arübah tha, “Rabbi, nü a Thrünpuh kilimnü arükhi thsangyurü ah de isanü mükheahlah; tümütüsho api lung Thrünpuh müladüa nünü arhimokhi harü khinthiyinbebo shenü mürhimokhuk.”

JOHAN 5:10

Jumonü Jihudarünü athsüngubuh ki tha, “Ha Amuni ah; nünü yapkiu hanpü yakzan müla.”

JOHAN 5:36

Tüshe Johan kheaknü I thiyumütsan atobe lah; tümüde abanshihpü I Buhnü ajihkhi rhimo, tüsho inü rhimode alakhinü Abuhnü I thiyikheah de thiyumütsan thsüchoh.

JOHAN 6:52

Jumonü Jihudarübonü arü bolung arhungangümde tha, “Küde thsah ha mihtsürünü isa kilim api shih tsühpü jihpü?”

JOHAN 7:12

Tüsho mihtsürü bolung api dünkheak khide phiphirarakhi lakheah. Khürünü tha, “Api tsülah”; püpürünü tha, “Yung, apinü mihtsürü rükakichoh.”

JOHAN 7:23

Mosa yakzan müthsümünimpü thsüde mihtsürü khülang Amuni tsütabahsho, inü Amuni mihtsürü khülang tsüde akamshihpü dünkheak nüsanü I kheak bukakhiukcho de?

JOHAN 7:43

Jumonü api dünkheaknü mihtsürü bolung achamnak lakheah.

JOHAN 9:24

Jumonü arünü mük tuka lakhi mihtsürü ju ji tüsho api ki tha, “Thiyuro thapü Thrünpuh miki alokhiang! Ha mihtsürü aneakrü ah de isanü mükheahlah.”

YUNIRÜBO RHIMO 14:4

Tüshe kiuto mihtsürübo ju chamnak; khürü Jihudarü kilim tsang, tüsho püpürü amüsüh-thsangyurübo kilim tsang.