JOHAN 8:48 - AMÜSÜH HÜM CL Bible (BSI)

⁴⁸ Judüki Jihudarünü alo tüsho api ki tha, “Nü Samariarü ah tüsho nü amünean me lah de isanü lungkide mütha de?”

JOHAN 8:48 Cross References

ISAIA 49:7

Atungpuhnü ha thachoh, Israel Rhokhitrü tüsho api Amüsüh Khülang, sükde jingmükhea lakhi kilim trükshihbonü athraneankhi, yakzanshuhrü yo azhorü, “ Kiulongthsürübonü angübah tüsho wusurübah, yakzanshuhrübonü angübah tüsho arünü amükhümbah, tümütüsho Atungpuh hode shepü athülün la, Israel Amüsüh Thrünpuh shepünü nü mokhitkhea.”

ISAIA 53:3

Api ju mihtsürübonü mükhemükim tüsho bahyuk; mulong tukthsü mihtsürü tüsho thsünümih lakheah; tüshe mihtsürübonü api kheaknü miro ramabah, api mükhemükim thsü, tüsho isanü api mükheyuk.

MATHI 10:25

Jingyanrü khülang ju api thsangyurü nangde, yungsho yamlarü khülang ju api putungrü nangde alakhi asuhdah. Arünü thüyam putungpuh ki Beelzebub de jisho arünü nihbuh yamkhün ching küdükhüh she alü jiba!

MATHI 10:5

Harü thürükheak mahne ki Jisunü thiyia yüshihde tüsho thiyukhüm jihde tha: “Khiungkerü bolung düyü yungsho Samariarü kiutobo ching düyüzah.

MATHI 11:18

Tümüde Johan mütsühyungde arü, tüshe arünü thachoh, ‘Api kheak amünean me lah.’

MATHI 12:24

Tüshe Pharisirünü ju sobah tha, “Amünean me yakzanshuhbuh Beelzebub hodü lang habuhnü amünean me yankhita bahchoh.”

MATHI 12:31

Jumonü inü nüsa ki thachoh, neak tüsho mükhemükim thakhi alala mihtsürü ki neak bahjihbah, tüshe Amüsüh Me azhihde mükhemükimkhi a neak mübahjih.

MATHI 15:7

Nüsa yiuhkhaprübo! Isaianü nüsa dünkheak müchitkhi dükdü ah:

JOHAN 1:19

Kheakü ha Jirusalem ching Jihudarünü amükeamrübo le Levirübo ki api she a de akeopü thiyichoki Johan thiyumütsan lakheah.

JOHAN 10:20

Tüsho arü ahihkhühnü tha, “Api amünean me lah tüsho bünchoh. Tümüde nüsanü api ki anicho?”

JOHAN 13:13

Nüsanü I ki thsangyurü tüsho Atungpuh de jichoh, tüsho nüsanü dükde thachoh, tümüde I ju ruk ah.

JOHAN 4:9

Judüki Samaria liberünü api ki tha, “Küde thsah nü Jihudarünü I Samaria liberü ki ke yungpü kheangcho?” (Tümüde Jihudarünü Samariarü lung jimpung mütsühachih).

JOHAN 7:20

Mihtsürübonü alo tüsho tha, “Nü a amünean me lah. Shepünü nü laksahpü yimcho?”

JOHAN 8:22

Jumonü Jihudarübonü tha, “Aküdah thsüde api laksahba shi, tümütüsho apinü thachoh, ‘l küching yübanü nüsanü marükhuk’?”

JOHAN 8:52

Judüki Jihudarünü api ki tha, “Kheakü nü amünean me lah de isanü mükheahlah! Abraham tüsho wukihrübo shedo; tüsho nünü thachoh, ‘Khürünü I yu anisho apinü küyimkishe ashepü müngü.’

ROMRÜ KILIM PAULNÜ ATHRÜTKHI KIHÜM HUHTANYU 15:3

Tümütüsho Khristanü nihbuh masühshih; tüshe amüsühyu ching thrütkhi nangde, “Nü mükhemükimkhibo I kheak keam.”

IBRI 13:13

Jumonü isanü binpung aleanglim api kilim yüanü, tüsho apinü arümkheamkhi mungchih hananü.

JAKOB 2:19

Thrünpuh khülang lah de nüsanü kinchoh; tsülah! Arimrinü she kinchoh tüsho trede ajanchoh.