JOHAN 8:21 - AMÜSÜH HÜM CL Bible (BSI)

²¹ Judüki Jisunü arü ki thalo, “I tsochoh, tüsho nüsanü I yimbah, tüsho nüsa neak ching nüsa shebah. I küching yübanü nüsanü marükhuk.”

JOHAN 8:21 Cross References

1 KIULONG THSÜRÜ 18:10

Atungpuh nü Thrünpuh lale, nü yimpü trükshih yungsho kiulongthsü sheshe müthiyikhi müla; tüsho küyimki arünü, ‘ Api ha ching müla’ de athaba, nü müngü de kiulongthsü yungsho trükshihnü api ki thiyuchihchimshih.

JOB HU H T ANYU 20:11

Api robo athunu sühmühnü amikhi asungthulung ching yapbah.

MÜCHITMUDU 11:7

Küyimki mihbukmuyuk mihtsürü shebanü, api mükkin thsükhi dükheakchoh, tüsho thiyuro mülakhi mulonglam dükheakchoh.

MÜCHITMUDU 14:32

Mihbukmuyuk ju nihbuh amütsü rhimo ching yana bah-a lah, tüshe thiyuro-lungkirü a api ashepü ching she tsoyukpung lah.

ISAIA 65:20

Kheaküa ju ching khungarü nimung anükhüh müla, yungsho ashinbuhrü rhangdung khiukde alabah; tümüde shepü kam 100 ching shebanü athunu khebah, tüsho shepü kam 100 mukhiungbanü muthrumünean khebah.

MATHI 23:39

tümüde nünü, ‘Shepü Atungpuh mung ching arüchonü müngühmühi’ de müthayikia nünü I müngülo.”

MATHI 25:41

“Judüki apinü huzulim larü ki thabah, ‘Nüsa arimri tüsho api yunirübo khilim thsakhamkhi akheam müla motru ching muthrumüneana bahrübo, I kinü tsoang:

MATHI 25:46

Judüki harü akheam müla thsümüchi ching yüshihbah, tüshe thiyuro-lungkirü a akheam müla rhangdung ching yübah.”

JOHAN 12:33

Api tümünü ashebanü ju amütsan apinü athakheah.

JOHAN 12:35

Jisunü arü ki tha, “Nüsa lung ayin ju anükhüh ruhde lah. Nüsanü ayin lachoki tsahang, jude yungsho amitingnü nüsa yanphuhbah; shepü amiting ching tsahchonü külim yüchonü mümükheah.

JOHAN 13:33

Azürü nunubo, I nüsa lung anükhüh ruhde alabah. Nüsanü I yimbah; tüsho inü Jihudarü ki, ‘I küching yüchonü nüsanü marükhuk,’ de athakhi nangde, kheakü inü nüsa ki thachoh.

JOHAN 7:34

Nüsanü I yimbah tüshe I müngü, tüsho I küching lanü nüsanü marükhuk.”

JOHAN 7:36

Apinü ha tümü thacho, ‘Nüsanü I yimbah, tüshe I müngü, tüsho I küching lanü nüsanü marükhuk’?”

JOHAN 8:24

Jumonü nüsa neakbo ching nüsa shebah de inü nüsa ki thakheah; tümütüsho I api ah de nüsanü mükinsho, nüsa neakbo ching nüsa shebah.”

EFISIA 2:1

Tüsho nüsa alakmihkhibo tüsho neakbo ching shea lakhi apinü arhang kamshih,