JOHAN 8:14 - AMÜSÜH HÜM CL Bible (BSI)

¹⁴ Jisunü arü ki alo, “Inü I küdah thsüde thiyumütsan thsüthsü she, I thiyumütsan thiyuro ah tümüde I küchingnü arükhea tüsho I küching yüchonü inü mükheahlah; tüshe I küchingnü arücho tüsho I küching yüchonü nüsanü mümükheah.

JOHAN 8:14 Cross References

MÜCHITMUDU 8:7

Tümüde I münnü thiyuro asukbah; mihbukmuyukkhi ju I münküpbo ki athraneanbe lah.

WÜHKHE 12:3

Mosa ju alomiküp kheak larü alala kheaknü khide azhihayih mihtsürü lakheah.

JOHAN 10:15

I Buhnü I mükheahkhi nangde, inü I Buh mükheahlah; tüsho inü namfimihnubo thsungkheak I rhangdung jihchoh.

JOHAN 10:36

inü I Thrünpuh tsührü de athamonü, Abuhnü tsangkhitde alomi ching arüshihbuh ki, ‘Nünü mükhemükimchoh,’ de nüsanü thacho de?

JOHAN 13:3

Jisunü api khah ching Abuhnü lüpdükhi jihdo tüsho api Thrünpuh kilimnü arükheah tüsho Thrünpuh kilim yüchoh de mükheahbah,

JOHAN 14:10

I Abuh kheak lah tüsho Abuh I kheak lah de nünü mükincho de? Inü nüsa ki thakhi yubo ju I yo thiyukhüm-sühmühnü masuk tüshe I kheak lakhi I Buh rhimo rhimochoh.

JOHAN 16:28

Abuh kilimnü I alomi ching arükheah. Kheaküshe, inü alomi zojihbah Abuh kilim yülobah.”

JOHAN 17:8

Tümüde nünü I kilim jihkhi yubo inü arü kilim jihdo; arünü jurü leangkhido, tüsho I ju nü kilimnü arükheah de tsükjide mükheahdo; tüsho nünü I thiyikheah de arünü kindo.

JOHAN 18:37

Jumonü Pilatnü api ki tha, “Judüasho nü ju kiulongthsürü a shi?” Jisunü alo, “I kiulongthsürü ah de nünü dükde thado. Ha dünkheaknü I zübekheah tüsho ha lomi ching arükheah, junangde inü thiyuro thiyumütsan thsübah, thiyuro yo thsürü abannü I düsheak anichoh.”

JOHAN 5:31

Inü I küdah thsüde thiyumütsan thsüsho, I thiyumütsan ju thiyuro yung.

JOHAN 8:42

Jisunü arü ki tha, “Thrünpuh ju nüsa Abuh thsükhülaa, nüsanü I muzhobah, tümüde I Thrünpuh kilimnü arükheah; yungsho I küdah thsüde marü, tüshe apinü I thiyikheah,

2 KORINT 11:31

Lünnü ashijihpü lakhi Atungpuh Jisu Abuh tüsho Thrünpuhnü inü akeangyu müthachoh de mükheahlah.

2 KORINT 12:11

I makharü lakheah, tüshe ju nüsanü akamshihkheah. Tümüde nüsanü I shijihpü lakheah; tümütüsho I tümü mükama lalashe harü “adungto amüsüh-thsangyurübo” ki I aninibe yungde alakheah.

2 KORINT 12:19

Isanü nüsa ki isa dün chilode arükheah de nüsanü lümde alakhea de? Khrista ching larü nangde isanü Thrünpuh miki asukde alakheah; tüsho amuzho müyamrübo, isanü arhimokhi alala nüsa düküngpü thsungkheak ah.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi

AMIKHEAKAKHIUKKHI 3:14

“Tüsho Laodikea ching borü yunirü ki thrütang: ‘Amen de athakhi, athülünkhi, thiyuro thiyumütsan, Thrünpuhnü athrünkhi atankih yubo.