JOHAN 6:70 - AMÜSÜH HÜM CL Bible (BSI)

⁷⁰ Jisunü arü ki alo, “Inü nüsa thürükheak mahne mokhitkhi yung de? Tütüshe nüsa bolung khülang a arimri ah!”

JOHAN 6:70 Cross References

JOHAN 13:18

Inü nüsa alala dünkheak mütha. Inü shepü mokhitdünü inü mükheahlah; tüshe amüsühyu dünjibah, ‘Shepü I lung yikhap tsühchonü I azhihde api lahzhi shuhkihdo.’

JOHAN 13:2

Tüsho arelim yimtsühchoki api yinatsühshihpü Simon tsührü Juda Iskariot mulong ching amünean menü rük yukjih.

JOHAN 13:21

Küyimki Jisunü harü thakhea, api me ching küpkhuk, tüsho khipkhitde tha, “Atsütsü inü nüsa ki thachoh, nüsa khülangnü I yinatsühbah.”

JOHAN 13:27

Kheakü yikhapkheam tsüh dunglim, api kheak amünean yüzah. Jisunü api ki tha, “Nünü tümü thsüpü lanü nahde rhimoang.”

JOHAN 15:16

Nüsanü I mokhitkhi yung, tüshe inü nüsa mokhit tüsho yübah tsüpde alabe nüsa sangaso asopü thsüde nüsa moyuk, junangde nüsanü tümüpürü I mung chingnü I Buh ki kheangbanü apinü nüsa kilim jihbah.

JOHAN 15:19

Nüsa ju alomi yo thsükhülaa, alominü nihbuh yo muzhobah, tütüshe nüsa ju alomi yo yung tüshe alomi chingnü inü nüsa mokhit, jumonü alominü nüsa thraneanchoh.

JOHAN 17:12

I alomi ching arü lung lachoki nü mung ching inü arü küma zo. Nünü I kilim jihkhibo inü neakdo; amüsühyu dünjipü thsüde adükheakpü akhua lakhi tsührü kheak hode arü sheshe müdükheak.

JOHAN 2:2

Kheakü Jisu tüsho api jingyanrübo chido arhangrü thünio ching ju jiyuk.

JOHAN 20:24

Tüshe thürükheak mahne bolung khülang rüpde-zübekhi de ajihkhi Thoma ju Jisu arüchoki arü lung mülakheah.

JOHAN 6:64

Tüshe nüsa amükinrü khürü lah.” Tümüde atankih chingnü amükinrübo ju she a tüsho shepünü api yinatsühbanü Jisunü mükheah.

JOHAN 6:67

Judüki Jisunü thürükheak mahne ki ju tha, “Nüsa she tsoabahpü künla de?”

JOHAN 6:71

Apinü Simon tsührü Juda Iskariot dünkheak asuk, tümüde thürükheak mahne bolung anihbuh yinatsühpü ju api lakheah.

JOHAN 8:44

Nüsa a nüsa abuh arimri tsührü ah, tüsho nüsa abuhnü akünkhi nüsanü rhimonelah. Atankih chingnü api mihkhukrü lakheah, tüsho thiyuro ching müzhip, tümütüsho api kheak thiyuro müla. Küyimki apinü akeangyu thabanü, apinü nihbuh yakli chingnü thachoh, tümüde api akeangyu tharü ah tüsho ju abuh ah.

YUNIRÜBO RHIMO 1:17

tümüde api isa bolung kheyuk tüsho ha tankihpü shihcham ching lakheah.”

YUNIRÜBO RHIMO 13:10

tüsho tha, “Nü arimri tsührü, akeangyu tüsho mülapmüjinü mide alakhi thiyurolungkirü alala riri, nünü Atungpuh limro khürangshihpü mutukloba de?

1 TIMOTHI 3:11

Aliberübo she junangde yakli atsü, müjipjiprararü, tüsho adanyukkhi, alala ching thiyuro labeah.

TITA 2:3

Junangde azoberübo ki yakli ching wüntre lapü, dünthamungtha mülapü yungsho yukhu yo azhorü mükampü thsangyuang; tümü atsüanü arünü thsangyubeah,

1 JOHAN 3:8

Shepünü neak yihbeakchonü arimri yo ah; tümüde arimrinü atankih chingnü neak yihbeak. Thrünpuh tsührü amikheak akhiukkhi amütsan ju arimri rhimobo thsümünimpü lakheah.