JOHAN 6:53 - AMÜSÜH HÜM CL Bible (BSI)

⁵³ Judüki Jisunü arü ki tha, “Atsütsü inü nüsa ki thachoh, nüsanü Mihtsürü Tsührü shih mütsühsho tüsho api thiyih muyungsho, nüsa kheak nüsa rhangdung müla.

JOHAN 6:53 Cross References

MATHI 18:3

tüsho tha, “Atsütsü inü nüsa ki thachoh, nüsa mulong müthribah azürü nunubo nangde mükamsho, küde thsüthsü she nüsanü yinmi kiulongthsü ching müyüzahkhuk.

MATHI 5:18

Inü nüsa ki thiyuro thachoh, thüning tüsho alomi la khiungde, yakzan ching lakhi thiyuji aninibe yungsho athrütkhi aninibe ju müdünjiyikia müdükheak.

MATHI 8:20

Tüsho Jisunü api ki alo, “Rimrebo lungkhünbo lah, tüsho wuhnubo asapbo lah, tüshe Mihtsürü Tsührü a ku alampung müla.”

LUKNÜ ATHRÜTKHI THIYUSHEAK-ATSÜ HUHTANYU 13:3

Inü nüsa ki thachoh, jude yung; tüshe nüsanü mulong mümüthrisho ju ruk nüsa alala dükheakbah.

LUKNÜ ATHRÜTKHI THIYUSHEAK-ATSÜ HUHTANYU 13:5

Inü nüsa ki thachoh, ju yung; tüshe nüsanü mulong mümüthrisho, ju ruk nüsa alala dükheakbah.”

JOHAN 13:8

Peternü api ki tha, “Nünü küyimkishe I jing mümüsüh!” Jisunü api ki alo, “Inü nü mümüsühjihsho, nü I lung shihcham müla.”

JOHAN 15:4

I kheak lang, tüsho I nüsa kheak labah. Aliu ching mülade akhahnü aküdah thsüde aso masokhi nangde, nüsa I kheak mülasho nüsa she masokhuk.

JOHAN 3:3

Jisunü alo tüsho api ki tha, “Atsütsü inü nü ki thachoh, api müzübephulosho shenü she Thrünpuh kiulongthsü müngü.”

JOHAN 3:36

Shepünü atsührü kheak kinchonü akheam müla rhangdung lah; tüsho shepünü atsührü mükinnü rhangdung müngü, tüshe api kheak Thrünpuh bukakhiukkhi lah.

JOHAN 3:5

Jisunü alo, “Khide tsükjide inü nü ki thachoh, shepü ke tüsho me ching müzübephulobanü apinü Thrünpuh kiulongthsü ching müyüzahkhuk.

JOHAN 6:47

Atsütsü inü nüsa ki thachoh, shepünü I kheak kinchonü akheam müla rhangdung lah.

JOHAN 6:51

I ju yinmi chingnü akikhi rhangdung tsühyungbe. Khürünü ha tsühyungbe tsühsho api lünnü alabah, tüsho inü alomi rhangdung thsungkheak jihpü lakhi yikhap ju I shih.”

JOHAN 6:55

Tümüde I shih ju jim tsütsü tüsho I thiyih ju ayungbe tsütsü ah.

JOHAN 6:62

Dale tüsho Mihtsürü Tsührü akhuhlim api lapung yükihde nüsanü ngükhülaa küde?

1 JOHAN 5:12

Shepü atsührü lanü rhangdung lah; shepü Thrünpuh tsührü mülanü rhangdung müla.

AMIKHEAKAKHIUKKHI 2:17

Shepü nükhün kihlanü, Menü borübo ki tümü thachonü apinü aniang. Shepünü akuk ngüchonü inü rama lakhi manna khürü jihbah, tüsho ju leangkhibuh kheak hode shenü mümükheahkhi amüye lung kheak mung aso thrütkihkhi khülang jihbah.’

AMIKHEAKAKHIUKKHI 2:7

Shepü nükhün kihlanü, Menü borübo ki tümü thachonü apinü aniang. Akuk ngübuh kilim Thrünpuh sühakhimpung ching lakhi rhangdung sangdung aso tsühpü inü mülüjihbah.’