JOHAN 6:32 - AMÜSÜH HÜM CL Bible (BSI)

³² Judüki Jisunü arü ki tha, “Atsütsü inü nüsa ki thachoh, Mosanü yinmi chingnü nüsa kilim yikhap jihkhi yung, tüshe I Buhnü yinmi chingnü thiyuro yikhap nüsa kilim jihchoh.

JOHAN 6:32 Cross References

MUNGSHIKHÜN 78:23

Tütüshe apinü akulim amobo ki thiyukhüm jih, tüsho thüning ripitbo khimshuh,

ABEKHIT 16:4

Judüki Atungpuhnü Mosa ki tha, “Kheahang, inü nüsa thsungkheak yinmi chingnü yikhap akishihbah; tüsho mihtsürübonü wukhiukbah nimung shihcham thsükhi lubah, junangde arünü I yakzan ching tsahba shi yungnü inü amütsanbah.

ABEKHIT 16:8

Tüsho Mosanü tha, “Nüsa kilim nüsanü akünkhi alala arelim shih tüsho yapsu yikhap jihchoki ha Atungpuh thsüa lah de nüsanü amükheahbah, tümütüsho nüsanü api azhihde dapdapneangneangkhi apinü sodo. Ike she a? Nüsanü ike azhihde dapdapneangneangkhi yung tüshe Atungpuh azhihkhi ah.”

JOHAN 1:9

Thiyuro ayin ju mihtsürü aban kilim ayin jihkhi alomi ching arükheah.

JOHAN 15:1

“I kurungasoliu tsütsü, tüsho I Buh ju kurungasolu thsürü.

JOHAN 6:31

Isa jipürünü sunglo ching manna tsüh; ha thrüta lakhi nangde, ‘Apinü yinmi chingnü arü kilim atsühpü yikhap jih.’”

JOHAN 6:33

Tümüde Thrünpuhnü ajihkhi yikhap ju yinmi chingnü akichoh tüsho alomi ching rhangdung jihchoh.”

JOHAN 6:35

Tüsho Jisunü arü ki tha, “I rhangdung tsühyungbe ah. Shepü I kilim arüchonü küyimkishe mükhüm, tüsho shepünü I kheak kinchonü küyimkishe kemüthüri.

JOHAN 6:41

Jihudarünü neangneangde api azhih, tümütüsho apinü tha, “I ju yinmi chingnü akikhi tsühyungbe ah.”

JOHAN 6:50

Ha yinmi chingnü akikhi yikhap, junangde khürünü ju tsühbah tüsho müshe.

JOHAN 6:55

Tümüde I shih ju jim tsütsü tüsho I thiyih ju ayungbe tsütsü ah.

JOHAN 6:58

Nüsa jipürünü sunglo ching manna tsühbah shea lakhi ruk yungde, ha yinmi chingnü akikhi yikhap ah. Shepünü ha yikhap tsühbanü lünnü alabah.”

GALATIA 4:4

Tüshe küyimki kimkhiukkhi arükhea, Thrünpuhnü api tsührü, aliberünü azübekhi, yakzan bukkhüp zübekhi,

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.