JOHAN 5:26 - AMÜSÜH HÜM CL Bible (BSI)

²⁶ Tümüde Abuh ju anihbuh kheak rhangdung lakhi nangde, api kheak rhangdung lapü atsührü ki mülüjihdo,

JOHAN 5:26 Cross References

MUNGSHIKHÜN 36:9

Tümüde nü kheak rhangdung ke bukpung lah; nü ayinatrüm ching isanü ayin ngüchoh.

MUNGSHIKHÜN 90:2

Müzüngbo müthrünkhityide, yungsho nünü alomi tüsho alomiküp mükamshihyide, akheam mülanü akheam müla khiungde, nü Thrünpuh ah.

ABEKHIT 3:14

Thrünpuhnü Mosa ki tha, “I JU I AH . Nünü arü ki hade thaang, ‘I AH de athabuhnü I nüsa kilim arüshihkheah.’ ”

JEREMIA 10:10

Tüshe Atungpuh ju thiyuro Thrünpuh; api arhang Thrünpuh akheam mülakhi kiulongthsüpuh. Api bukakhiukkhinü alomi ajanchoh, tüsho trükshihbonü api bukakhiukkhi marümkhuk.

JOHAN 1:4

Api kheak rhangdung lakheah, tüsho rhangdung ju mihtsürü ayin lakheah.

JOHAN 10:18

Shenü she I kheaknü muluchoh, tüshe I küdahnü jihchoh. Jihabahpü I wu lah, tüsho ju lulopü I wu lah. Ha yukhüm I Buh kilimnü aleangkhikheah.”

JOHAN 11:25

Jisunü alibe ki tha, “I arhang kamlokhi tüsho rhangdung. Shepünü I kheak kinchonü, api shea lalashe arhang labah.

JOHAN 11:26

Tüsho sherünü I kheak lacho tüsho kinchonü küyimkishe müshe. Nünü ha kincho shi?”

JOHAN 14:19

Anükhüh labah alominü I müngüde akambah, tüshe nüsanü I ngübah, Tümütüsho I lale, nüsa she alabah.

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

JOHAN 4:10

Jisunü alibe ki alo, “Nünü Thrünpuh thsambah tüsho nü ki, ‘I kilim ke yungpü kü,’ de akheangbuh mükheahkhülaa, nünü api ki kheangbah, tüsho apinü nü kilim rhangdung ke jih-a labah.”

JOHAN 6:57

Arhang labuh I Buhnü I thiyikhi nangde tüsho Abuh hode I lakhi nangde, shepünü I tsühyungbanü I dünkheaknü alabah.

JOHAN 8:51

Atsütsü inü nüsa ki thachoh, khürünü I yu anisho apinü küyimkishe ashepü müngü.”

YUNIRÜBO RHIMO 17:25

Tüsho apinü tümükhüh künkhi nangde mihtsürü khahnü mükipduhchoh, tümütüsho apinü lang mihtsürü alala kilim rhang le sheak tüsho lüpdükhi jihchoh.

1 KORINT 15:45

Hanangde ha thrüta lah, “Akhuh mihtsürü Adam rhangdung lakhi mihtsürü kam”; ashube Adam a rhangdung jihbe me kam.

1 TIMOTHI 1:17

Amüshebuh, amüngübuh, lünbo Kiulongthsürü, Thrünpuh lang lünnü lün wüntre lashang tüsho müretahkhi thsang. Amen.

1 TIMOTHI 6:16

api lang amüshebe tüsho mukhiungkhukbe ayin ching lah, shenü she müngü yungsho angüpü mukuk. Api kilim lünnü wüntre tüsho sühmüh lashang. Amen.

IBRI 1:2

tüshe harü akheam nimungbo ching a api hode alomi thrünbah alala yamrüplurüp lubuh kamshihkhi atsührü hode isa ki asuk.

AMIKHEAKAKHIUKKHI 21:6

Tüsho apinü I ki tha, “Ha rhimodo! I Alpha tüsho Omega, Atankih tüsho Akheam. Kethürirü kilim amo mulude rhangdung kekhip chingnü inü ayungpü jihbah.

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.

AMIKHEAKAKHIUKKHI 7:17

Tümüde kiulongthsü-binkiu phulung ching Namfimihnunu ju arü neakrü thsübah, tüsho apinü arhang kenü lim arü bebah; tüsho Thrünpuhnü arü mükbo chingnü chike nana bahjihbah.”