JOHAN 5:21 - AMÜSÜH HÜM CL Bible (BSI)

²¹ Tümüde Abuhnü asherü arhang kamloshihde arü ki rhangdung jikhi nangde atsührünü she apinü amulongrü ki rhangdung jihchoh.

JOHAN 5:21 Cross References

1 KIULONG THSÜRÜ 17:21

Judüki apinü azübuh kheak mahsam ki zünga yap, tüsho Atungpuh ki zhi, “O Atungpuh I Thrünpuh, ha azübuh rhangdung alode arüshang.”

2 KIULONG THSÜRÜ 5:7

Küyimki Israel kiulongthsüpuhnü kihüm khekhea, apinü anihbuh khim thorüp tüsho tha, “Asheshihpü yungsho rhangdung lashihpü thsüde I Thrünpuh ah de, ha buh mihtsürünü api mihtsürü apham thsüngushihpü I kilim thiyu arüshihcho de? Kheakü künangde apinü I kheak rukachihpü thsüchonü kheahang.”

JOHAN 11:25

Jisunü alibe ki tha, “I arhang kamlokhi tüsho rhangdung. Shepünü I kheak kinchonü, api shea lalashe arhang labah.

JOHAN 17:2

nünü api kilim jihkhi alala kilim lünnü rhangdung jihpü thsüde mihtsürü alala kurungkheak nünü api ki thiyukhüm-sühmüh jih.

JOHAN 6:63

Rhangdung jihbuh ju me lah; shih yihnüpü müla. Inü nüsa ki asukkhi yubo ju me ah, tüsho jurü rhangdung ah.

YUNIRÜBO RHIMO 26:8

Tümüde nüsa khürünü Thrünpuhnü asherü asürüshihkhi amukukbe nangde lümcho?

ROMRÜ KILIM PAULNÜ ATHRÜTKHI KIHÜM HUHTANYU 8:11

Ashe chingnü Jisu bemusubuh Me nüsa kheak lasho, ashe chingnü Jisu Khrista bemusubuhnü nüsa kheak lakhi Me hode ashepü lakhi nüsa pangbo kilim rhangdung jihbah.

1 KORINT 15:45

Hanangde ha thrüta lah, “Akhuh mihtsürü Adam rhangdung lakhi mihtsürü kam”; ashube Adam a rhangdung jihbe me kam.

YUZÜNGTHALO 32:39

Kheakü kheahang I, I lang, Thrünpuh ah, tüsho I hobah tümü thrünpuh müla; inü laksahchoh tüsho inü rhangdung lashihchoh; inü yurijihchoh tüsho inü ngushihchoh; tüsho I khah chingnü abekhitkhukpü thsüde sheshe müla.