JOHAN 5:19 - AMÜSÜH HÜM CL Bible (BSI)

¹⁹ Judüki Jisunü arü ki tha, “Atsütsü inü nüsa ki thachoh, atsührünü aküdahnü tümü müthsükhuk, tüsho Abuhnü tümü rhimode apinü ngüchonü ju rhimochoh; tümütüsho apinü tümü rhimochonü, atsührünü she ju ruk rhimochoh.

JOHAN 5:19 Cross References

THRÜNTAN 1:1

Atankih ching Thrünpuhnü thüningbo tüsho alomi thrün.

THRÜNTAN 1:26

Judüki Thrünpuhnü tha, “Isanü isa kiphahkhi ching mihtsürü thrünanü; tüsho keto ngüh, thüning wuhnubo, akam-shiwüh tüsho mütüm shiwüh tüsho alo kheak abübe alala kurungkheak arü atungrü thsüshihanü.”

MUNGSHIKHÜN 138:3

Inü nü ki zhi nimung, nünü I ki alojih, tüsho I me ching sühmüh lade I mulong toshih.

MUNGSHIKHÜN 27:14

Atungpuh aleangang; reangzahang, tüsho nü mulong toang; inü thachoh, Atungpuh aleangang!

MUNGSHIKHÜN 50:6

Yinmibonü api thiyuro-lungki khipkhitchoh, tümüde Thrünpuh ju mahkhaprü ah.

ABEKHIT 4:11

Atungpuhnü api ki tha, “Shepünü mihtsürü mün thsüjihkhea? Shepünü mulo kikshihcho, yungsho nükhün peangshihcho, ngüshihcho yungsho mük dukshihcho? Ju I Atungpuh yung de?

MÜCHITMUDU 2:6

Tümüde Atungpuhnü lümlung jihchoh; api mün chingnü mükheahmudu tüsho anikhitkhi arüchoh;

ISAIA 44:24

Atungpuhnü rhokhitrünü ha thachoh, Shepünü nuyam chingnü kamshihkhea: I Atungpuh , shepünü alala thrünkhea, shepünü lang thüningbo züngshangkhea, shepünü I küdahnü alomi jashih;

ISAIA 45:24

Atungpuh kheak lang thiyuro-lungki tüsho sühmüh lah de arünü I dünkheak thabah; bukakhiukde api azhihrü alala api ki arübah tüsho achih ngübah.

JEREMIA 17:10

I Atungpuhnü alala kilim arü limrobo ayannü, arü rhimobo ayannü ajihpü rükakichoh tüsho mulong yimchoh.

MATHI 26:39

Apinü anükhüh limshude yübah amiro mükhüm tüsho tamkhüntamnüde tha, ‘O Abuh, kuksho ha pung I kheaknü luakhinjang; judüalalashe I lümkhi yung, tüshe nü lümkhi ah.’

LUKNÜ ATHRÜTKHI THIYUSHEAK-ATSÜ HUHTANYU 21:15

tümüde nüsa azhihrü alalanü mazhihkhukpü yungsho müdanglokhukpü thsüde inü nüsa kilim thiyu tüsho lümlungbo jihbah.

JOHAN 10:18

Shenü she I kheaknü muluchoh, tüshe I küdahnü jihchoh. Jihabahpü I wu lah, tüsho ju lulopü I wu lah. Ha yukhüm I Buh kilimnü aleangkhikheah.”

JOHAN 12:49

Tümüde inü I yo thiyukhüm-sühmühnü masuk; tüshe inü tümü thaba tüsho tümü asukbanü I thiyibuh I Buhnü I ki thiyukhüm jih.

JOHAN 12:50

Tüsho api yukhüm ju akheam müla rhangdung de inü mükheahlah. Jumonü inü tümüpürü asukchonü I Buhnü I ki thakhi nangde asukchoh.”

JOHAN 14:10

I Abuh kheak lah tüsho Abuh I kheak lah de nünü mükincho de? Inü nüsa ki thakhi yubo ju I yo thiyukhüm-sühmühnü masuk tüshe I kheak lakhi I Buh rhimo rhimochoh.

JOHAN 2:19

Jisunü arü ki alo, “Ha arüngyam khapkheamang tüsho inü ju nimung mahsam chingnü athsülobah.”

JOHAN 3:3

Jisunü alo tüsho api ki tha, “Atsütsü inü nü ki thachoh, api müzübephulosho shenü she Thrünpuh kiulongthsü müngü.”

JOHAN 5:21

Tümüde Abuhnü asherü arhang kamloshihde arü ki rhangdung jikhi nangde atsührünü she apinü amulongrü ki rhangdung jihchoh.

JOHAN 6:38

Tümüde I lümkhi yungde I thiyibuh lümkhi rhimopü I yinmi chingnü akikheah.

JOHAN 8:28

Judüki Jisunü arü ki tha, “Küyimki nüsanü Mihtsürü Tsührü shuhkihbanü, I api ah, tüsho inü I küdahnü tümü müthsü de nüsanü amükheahbah, tüshe I Buhnü thsangyukhi nangde inü harü asukchoh.

JOHAN 9:4

Nimung lachoki I thiyibuh rhimobo inü arhimobeah; shenü she mürhimokhukpü thsüde azhing arüchoh.

YUNIRÜBO RHIMO 2:24

Tüshe Thrünpuhnü ashe thsünü dükheakshihde api arhang kamshih, tümütüsho ashenü api tholopü mukukde alakheah.

ROMRÜ KILIM PAULNÜ ATHRÜTKHI KIHÜM HUHTANYU 6:4

Jumonü ashekhi ching baptikhinü isa api lung kiuyukabah, junangde Abuh müretahkhi hode Khrista ashe chingnü asürüshihkhi ruk isa she rhangdung aso ching tsahbeah.

ROMRÜ KILIM PAULNÜ ATHRÜTKHI KIHÜM HUHTANYU 8:11

Ashe chingnü Jisu bemusubuh Me nüsa kheak lasho, ashe chingnü Jisu Khrista bemusubuhnü nüsa kheak lakhi Me hode ashepü lakhi nüsa pangbo kilim rhangdung jihbah.

1 KORINT 15:12

Kheakü Khrista ashe chingnü arhang kamlodo de thsangyuthsangrakheasho, küde thsah nüsa khürünü asherü arhang kamlokhi müla de thakhukla?

2 KORINT 4:14

Shepünü Atungpuh Jisu arhang kamloshihkheanü isa she Jisu lung arhang kamloshihbah tüsho nüsa lungnü api miki bede ayübah de isanü mükheahlah.

2 KORINT 5:10

Tümüde isa alala Khrista thiyukhap binkiu miki labah, junangde mihbüm abannü pang ching rhimokhi ayannü atsü yungsho amütsü leangkhibah.

EFISIA 2:5

isanü alakmihkhi hode isa shea lachoki she Khrista lung rukhüh arhang kamshih (amüthsüm hode nüsa khümkhit),

EFISIA 3:16

junangde api müretah lakhitbo yande pang lung ching api Me hode sühmüh lade nüsa düküngshihbah,

FILIPI 3:21

Apinü anihbuh yakzan bukkhüp lüpdükhi hande arükhukkhi wu hode isa reangmüzahkhi pang müthrijihbah tüsho müretahkhi api pang nangde akamshihbah.

FILIPI 4:13

I sühmüh jihbuh hode inü lüpdükhi thsükhuklah.

KOLOSI 1:11

Api müretah sühmüh yande, rünkhiungpü tüsho asühachih arümkheam alala thsungkheak wu alalanü nüsa reangzahshang,

KOLOSI 1:16

tümüde api hode alala thrün: Yinmi ching tüsho alomi kheak angübe tüsho amüngübe, kiulongthsü-binkiubo yungsho wubo yungsho yakzanshuhrübo yungsho thiyukhüm-sühmühbo; alala api hode tüsho api thsungkheak thrün.

1 TESALONIKA 4:14

Tümütüsho Jisu shebah arhang kamlokheah de isanü kinlah, junangde Jisu hode Thrünpuhnü api lung asherübo bede arübah.

1 PETER 3:18

Tümüde Khrista she neakbo dünkheaknü thiyuro-mülungkirü dünkheak thiyuro-lungkirü khülangkinü lang ashekheah, junangde shih ching ashekhi kamshihbah me ching arhang lashihde apinü isa ju Thrünpuh kilim bede arüpü lakheah;

AMIKHEAKAKHIUKKHI 2:23

tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.