JOHAN 4:36 - AMÜSÜH HÜM CL Bible (BSI)

³⁶ Shepünü yimluchonü mihkhah dün ngüchoh tüsho akheam müla rhangdung thsungkheak hibo hanmukhungchoh, junangde mükheanbuh le yimlubuh ane chido rukhüh asühachihbah.

JOHAN 4:36 Cross References

MÜCHITMUDU 11:18

Mihbukmuyuk mihtsürünü mülapmüji rhimo thsüchoh, tüshe shepünü thiyuro-lungki hiuchonü atsütsü thsambah ngüchoh.

MÜCHITMUDU 11:30

Thiyuro-lungkirü sangaso ju rhangdung sangdung, tüsho shepü lümlung lanü mebo bedarüchoh.

DANIEL 12:3

Sherü lümlung lanü thüning nangde ayinbah tüsho sherünü thiyuro-lungki lim ahihdo bechonü lünnü chiningbo nangde ayinbah.

MATHI 19:29

Tüsho shepünü I mung dünkheaknü thüyambo, khiungmungrü, chiniurü, abuh, abe, tsührübo yungsho alobo bahjihdünü chi kinü alü ngübah tüsho akheam müla rhangdung yamrüplurüp lubah.

JOHAN 3:36

Shepünü atsührü kheak kinchonü akheam müla rhangdung lah; tüsho shepünü atsührü mükinnü rhangdung müngü, tüshe api kheak Thrünpuh bukakhiukkhi lah.

JOHAN 4:14

tüshe shepünü inü api kilim jihpü lakhi ke yungbanü küyimkishe kemüthüri. Tüshe inü api kilim jihpü lakhi ke ju akheam müla rhangdung kenü bukpung khülang kambah.”

JOHAN 5:24

Atsütsü inü nüsa ki thachoh, shepünü I yu anicho tüsho I thiyibuh kheak kinchonü akheam müla rhangdung lah, tüsho mahkhap ching marü, tüshe ashe chingnü hode rhangdung lim yüdo.

ROMRÜ KILIM PAULNÜ ATHRÜTKHI KIHÜM HUHTANYU 1:13

I keoniorübo, püpürü khiungkerü bolung nangde nüsa bolung yimlupü thsüde inü nüsa kilim arüpü ahihdo ki lümkhi thsükhi kheakü khiungde zhipdolah de nüsanü mükheahang.

ROMRÜ KILIM PAULNÜ ATHRÜTKHI KIHÜM HUHTANYU 2:7

Atsü rhimode, müretah, wüntre, tüsho amüshebe rhangdung yimrü kilim apinü lün rhangdung jihbah.

ROMRÜ KILIM PAULNÜ ATHRÜTKHI KIHÜM HUHTANYU 6:22

Tüshe kheakü nüsa neak chingnü zuzu kam tüsho Thrünpuh yo azhorü kam, ju müthri nüsanü atsangkhitkhi ngü tüsho akheam ju lün rhangdung lah.

ROMRÜ KILIM PAULNÜ ATHRÜTKHI KIHÜM HUHTANYU 6:23

Tümüde neak mihkhah ju ashekhi, tüshe Thrünpuh akeang thsambah ju Atungpuh Jisu Khrista ching lün rhangdung lah.

1 KORINT 9:17

Tümüde inü ha akeangnü rhimosho, I thsambah khülang lah; tüshe akeangnü yungsho, I a le athiyikhi rhimo lang rhimochoh.

1 KORINT 9:18

Dale tüsho I thsambah tümü a? Ha lang ah: thiyusheak-atsü ching I alim müthade akeangnü thiyusheak-atsü thsangyuthsangrachoh.

1 TESALONIKA 2:19

Tümüde isa Atungpuh Jisu miki api arüchoki isa mulonglam yungsho asühpü yungsho akükheangkhi amütsan tümü laba? Ju nüsa yung de?

1 TIMOTHI 4:16

Nü rhangdung tüsho nü thsangyukhi aheangang. Ju kheak ramloang, junangde ju rhimokhi hode nü tüsho nü ki anirü chido khümkhitbah.