JOHAN 4:15 - AMÜSÜH HÜM CL Bible (BSI)

¹⁵ Alibenü api ki tha, “Atobuh, I kemüthüripü yungsho kekhippü ha ching marüpü thsüde I kilim ju ke kü.”

JOHAN 4:15 Cross References

MUNGSHIKHÜN 4:6

Ahihkhühnü thachoh, “Shenü isa ki atsü huhba?” Atungpuh , nü miro ayin isa kheak tahshang.

JOHAN 4:16

Jisunü alibe ki tha, “Yüang tüsho nü niubuh jibah ha ching arang.”

JOHAN 6:26

Jisunü arü ki alo tüsho tha, “Atsütsü inü nüsa ki thachoh, nüsanü khinthiyinbebo ngümonü I yimchoh yung, tüshe yikhapbo tsühbah bukthsümonü ah.

JOHAN 6:34

Judüki arünü api ki tha, “Atungpuh, kamruhroro ha yikhap isa kilim jihang.”

JOHAN 6:35

Tüsho Jisunü arü ki tha, “I rhangdung tsühyungbe ah. Shepü I kilim arüchonü küyimkishe mükhüm, tüsho shepünü I kheak kinchonü küyimkishe kemüthüri.

ROMRÜ KILIM PAULNÜ ATHRÜTKHI KIHÜM HUHTANYU 6:23

Tümüde neak mihkhah ju ashekhi, tüshe Thrünpuh akeang thsambah ju Atungpuh Jisu Khrista ching lün rhangdung lah.

ROMRÜ KILIM PAULNÜ ATHRÜTKHI KIHÜM HUHTANYU 8:5

Tümüde sherü shih ayannü lachonü arü lümkhi shih kheak lachoh, tüshe sherü Me ayannü lachonü arü lümkhi Me kheak lachoh.

1 KORINT 2:14

Me mülakhi mihtsürünü Thrünpuh Me thsambah müleangkhichoh, tümüde arübo api ki makharü ah, tüsho apinü jurübo anikhitpü mukuk, tümütüsho jurübo me hodü lang mütsankhitchoh.

JAKOB 4:3

Nüsanü kheangchoh tüshe müngü, tümütüsho nüsanü nüsa shihkünkhi ching bahpü amülimnü kheangchoh.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.