JOHAN 3:36 - AMÜSÜH HÜM CL Bible (BSI)

³⁶ Shepünü atsührü kheak kinchonü akheam müla rhangdung lah; tüsho shepünü atsührü mükinnü rhangdung müngü, tüshe api kheak Thrünpuh bukakhiukkhi lah.

JOHAN 3:36 Cross References

JOB HU H T ANYU 33:28

Apinü I me shingkung ching yüzahpü chingnü rhokhit, tüsho I rhangdungnü ayin ngübah.”

MUNGSHIKHÜN 2:12

Ajanang tüsho api ki khukningang; jude yungsho nahde abukakhiukbah tüsho nüsa zukleangnü limro ching dükheakbah. Sherübo api kheak tsoyukchonü asühpü.

MUNGSHIKHÜN 36:9

Tümüde nü kheak rhangdung ke bukpung lah; nü ayinatrüm ching isanü ayin ngüchoh.

MUNGSHIKHÜN 49:19

küyimkishe ayin müngüpü lakhi ashekhi ching api jipürü lung yübah.

HABAKKUK 2:4

Akükheangrü kheak kheahang! Arü me arü kheak mulungki, tüshe thiyuro-lungkirü arü akin hode alabah.

WÜHKHE 32:11

‘ Tsükjide Ijip chingnü aturü, kam mukunü akumung shenü she inü Abraham, Isak, tüsho Jakob ki thiyuchihchimkhi lo müngü, tümütüsho arü mulong athrünkhinü I müyan.

MATHI 25:46

Judüki harü akheam müla thsümüchi ching yüshihbah, tüshe thiyuro-lungkirü a akheam müla rhangdung ching yübah.”

MARK 16:16

Shepünü kinde baptibanü akhümkhitbah; tüshe shepünü mükinnü abahyukbah.

LUKNÜ ATHRÜTKHI THIYUSHEAK-ATSÜ HUHTANYU 2:30

tümüde I müknü nü akhümkhit ngüdo;

LUKNÜ ATHRÜTKHI THIYUSHEAK-ATSÜ HUHTANYU 3:6

Tüsho mihtsürü alalanü Thrünpuh akhümkhit ngübah.’ ”

JOHAN 1:12

Tüshe api leangkhirü ahihkhüh kilim, api mung ching kinrü kilim she apinü Thrünpuh tsührü kampü alim jih:

JOHAN 10:28

Inü arü kilim lün rhangdung jihchoh, tüsho arübo küyimkishe müdükheak; yungsho shenü she I khah chingnü arübo jangkhide mutso.

JOHAN 3:3

Jisunü alo tüsho api ki tha, “Atsütsü inü nü ki thachoh, api müzübephulosho shenü she Thrünpuh kiulongthsü müngü.”

JOHAN 4:36

Shepünü yimluchonü mihkhah dün ngüchoh tüsho akheam müla rhangdung thsungkheak hibo hanmukhungchoh, junangde mükheanbuh le yimlubuh ane chido rukhüh asühachihbah.

JOHAN 5:24

Atsütsü inü nüsa ki thachoh, shepünü I yu anicho tüsho I thiyibuh kheak kinchonü akheam müla rhangdung lah, tüsho mahkhap ching marü, tüshe ashe chingnü hode rhangdung lim yüdo.

JOHAN 6:58

Nüsa jipürünü sunglo ching manna tsühbah shea lakhi ruk yungde, ha yinmi chingnü akikhi yikhap ah. Shepünü ha yikhap tsühbanü lünnü alabah.”

JOHAN 8:51

Atsütsü inü nüsa ki thachoh, khürünü I yu anisho apinü küyimkishe ashepü müngü.”

YUNIRÜBO RHIMO 14:2

Tüshe amükinrü Jihudarünü khiungkerü thurumusu tüsho keoniorübo azhihde arü lümkhi mülapyukjih.

ROMRÜ KILIM PAULNÜ ATHRÜTKHI KIHÜM HUHTANYU 4:15

tümütüsho yakzannü bukakhiuk hande arüchoh, tüshe küching yakzan mülanü athsümünim müla.

ROMRÜ KILIM PAULNÜ ATHRÜTKHI KIHÜM HUHTANYU 5:9

Jumonü kheaküa api thiyih hode isa alim kamshih, alü thsüde Thrünpuh bukakhiukkhi chingnü apinü isa khümkhitbah.

ROMRÜ KILIM PAULNÜ ATHRÜTKHI KIHÜM HUHTANYU 8:1

Jumonü kheaküa Jisu Khrista ching larü thsungkheak abahyukkhi müla.

GALATIA 3:10

Yakzan rhimo kheak angükihrü alala muthrumünean khüp lah, tümüde ha thrüta lah: “Yakzan hüm ching thrütkhi yande mülarü tüsho ju mürhimorü aban muthrumünean thsang.”

EFISIA 5:6

Shenü she thiyu akeangkeangnü nüsa dümülapyukshih, tümüde hadürü hode mihyumanirübo kheak Thrünpuh mulong zhipzhip arüchoh.

1 TESALONIKA 1:10

tüsho apinü ashe chingnü arhang kamloshihkhi, bukakhiuk arüpü chingnü isa bekhitpü lakhi Jisu, api tsührü yinmi chingnü arükhi aleangpü arü küdahnü isa ki thiyusheak jihchoh.

1 TESALONIKA 5:9

Tümüde Thrünpuhnü isa bukakhiukpü thsungkheak yung, tüshe isa Atungpuh Jisu khrista hode akhümkhit ngüpü mokhit.

IBRI 10:29

Shepünü Thrünpuh tsührü jing khüp jungde, api tsangkhitkhi tangzüng thiyih müneankhea, tüsho amüthsüm Me mükhemükimrü küdükhüh she athsümüchipü thülünba de nüsanü lümcho?

IBRI 2:3

isanü hadürü akhümkhit ato bahyuksho küde thsah isa tsokhiba? Ju akhuhde Atungpuhnü khipkhit, tüsho api sorünü isa ki mütsanloshih,

IBRI 3:18

Tüsho api sühakhim ching küyimkishe müyüzah de sherü ki apinü thiyuchihchimkheanü ju mihyumanirübo ki yung de?

IBRI 3:19

Jumonü mükinkhi hode arünü ayüzahpü mukukkheah de isanü ngüchoh.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”