JOHAN 3:32 - AMÜSÜH HÜM CL Bible (BSI)

³² Apinü tümü ngükhea tüsho asokheanü asukchoh, tütüshe shenü she api yusheak müleangkhi.

JOHAN 3:32 Cross References

ISAIA 50:2

Tümüde I arüchoki she mülakhea? Tümüde inü ajichoki shenü malokhea? Mürhokhitkhukpü thsüde I khah kihla de? Yungsho abekhitpü I wu müla de? Inü thürühbah keto ngahshih, inü ayungbo loshelo kamshih; ke mülakhinü thüngühbo shuhabah tüsho kethürikhinü sheabah.

ISAIA 53:1

Isa yusheak shepünü akinkhea? Tüsho shepü ki Atungpuh khah akhiukkhea?

MATHI 7:8

Tümüde akheangrü abannü leangkhichoh, ayimrünü ngüchoh, tüsho adamrü kilim khimshuhjihchoh.

JOHAN 1:11

Api nihbuh lomi lim arü, tüshe nihbuh mihtsürünü api müleangkhi.

JOHAN 15:15

Kheakü inü nüsa ki yamlarübo de müji, tümüde yamlarünü api putungrünü tümü rhimochonü mümükheah; tüshe inü nüsa ki müyamrübo de ji, tümüde inü I Buh kilimnü asokhi alala nüsa ki mükheahshihdo.

JOHAN 18:37

Jumonü Pilatnü api ki tha, “Judüasho nü ju kiulongthsürü a shi?” Jisunü alo, “I kiulongthsürü ah de nünü dükde thado. Ha dünkheaknü I zübekheah tüsho ha lomi ching arükheah, junangde inü thiyuro thiyumütsan thsübah, thiyuro yo thsürü abannü I düsheak anichoh.”

JOHAN 3:11

Atsütsü inü nü ki thachoh, isanü tümü mükheahlanü ju asukchoh tüsho tümü ngüdünü thiyumütsan thsüchoh, tüshe nünü isa thiyumütsan müleangkhichoh.

JOHAN 3:26

Arünü Johan ki arübah tha, “Thsangyurü, Jordan hobah nü lung labuh nünü thiyumütsan jihbuh thsü kheahang, apinü baptichoh, tüsho alala api kilim arüchoh!”

JOHAN 3:33

Shepünü api yusheak leangkhichonü Thrünpuh ju thiyuro de junü adüngakhi thsüchoh.

JOHAN 5:20

Tümüde Abuhnü atsührü muzhochoh, tüsho apinü arhimokhi alala api ki huhchoh; tüsho nüsanü amüyinsahpü thsüde harü kheaknü atobe rhimobo apinü anihbuh ki huhbah.

JOHAN 8:26

Inü nüsa dünkheak ahihdo thapü tüsho mahkhappü lah, tüsho I thiyibuh thiyuro lah; tüsho küpü api kilimnü asokheanü inü alomi ki ju asukchoh.”