JOHAN 3:16 - AMÜSÜH HÜM CL Bible (BSI)

¹⁶ “Tümütüsho Thrünpuhnü alomiküp muzhokhinü api tsührü lapkhiung jih, junangde shepünü api kheak kinbanü müdükheak tüshe akheam müla rhangdung labah.

JOHAN 3:16 Cross References

THRÜNTAN 22:12

Tüsho apinü tha, “Azübuh kheak nü khah düchung, yungsho api ki tümü düthsü; tümüde kheakü nünü Thrünpuh trelah de inü mükheahlah, tümütüsho nünü nü tsührü khülang lang alakhi I ki müsühmüh.”

THRÜNTAN 22:2

Judüki Thrünpuhnü tha, “Nünü muzhode alakhi, nü tsührü khülang lang alakhi Isak bebah Moria lomi lim yüang, tüsho inü nü ki thapü lakhi awungbo lung khülang kheaknü api taka kingaünkhi jihang.”

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

MATHI 9:13

Yüang tüsho ha amütsan anikhitang: Inü mihmüthsüm lunelah, tüsho laksah-a kingaünkhi yung. Tümütüsho amüsührü yungde amüneanrü jipü I arükheah.”

MARK 12:6

Jumonü akheam thsüde apinü muzhokhi atsührü arü kilim yüshihde tha, ‘Arünü I tsührü akin jihbah.’

LUKNÜ ATHRÜTKHI THIYUSHEAK-ATSÜ HUHTANYU 2:14

“Achangbe ching Thrünpuh müretahshang, tüshe shepü kheak apinü mulong keamchonü alomi ching mihtsürü bolung mungtsü lashang!”

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 1:18

Shenü she tümü kim ching she Thrünpuh müngü. Abuh khüh kheak lakhi lapkhiung tsührünü lang api khipkhit.

JOHAN 1:29

Ashidopü Johannü api kilim Jisu arüde ngü, tüsho tha, “Kheahang, alomi neak hande atsokhi Thrünpuh namfimihnunu!

JOHAN 10:28

Inü arü kilim lün rhangdung jihchoh, tüsho arübo küyimkishe müdükheak; yungsho shenü she I khah chingnü arübo jangkhide mutso.

JOHAN 3:15

junangde shepünü api kheak kinbanü müdükheak tüshe akheam müla rhangdung labah.

JOHAN 3:18

Shepü api kheak kinchonü mübahyuk; tüshe shepünü mükinnü bahyukabahdo, tümütüsho apinü Thrünpuh tsührü lapkhiung mung ching mükin.

JOHAN 3:36

Shepünü atsührü kheak kinchonü akheam müla rhangdung lah; tüsho shepünü atsührü mükinnü rhangdung müngü, tüshe api kheak Thrünpuh bukakhiukkhi lah.

JOHAN 6:40

Tüsho ha I thiyibuh lümkhi ah, junangde atsührü ngübah api kheak kinrü aban akheam müla rhangdung labah; tüsho inü akheam nimung ching api arhang kamloshihbah.”

ROMRÜ KILIM PAULNÜ ATHRÜTKHI KIHÜM HUHTANYU 5:10

Tümütüsho thiriri lachoki api tsührü shekhinü Thrünpuh kheak isa tsüarihshih-a lasho, alü thsüde kheakü tsüarih-a lale, api rhangdungnü isa khümkhitbah.

ROMRÜ KILIM PAULNÜ ATHRÜTKHI KIHÜM HUHTANYU 5:8

Tüshe isa aneakrü lachoki isa thsungkheak Khrista shekhinü Thrünpuhnü isa thsungkheak api muzho huh.

ROMRÜ KILIM PAULNÜ ATHRÜTKHI KIHÜM HUHTANYU 8:32

Shepünü nihbuh tsührü müsühmühde isa alala dünkheak jihabahkheanü, apinü lüpdükhi isa kilim müjihba de?

EFISIA 2:4

Tüshe Thrünpuh, shepü mihmüthsüm ching alarü la, apinü isa lümrhihkhi amuzho atonü,

2 TESALONIKA 2:16

Kheakü isa Atungpuh Jisu Khrista tüsho isa muzhobuh tüsho amüthsüm hode isa kilim lünnü sühakhim tüsho atsü jihbuhnü,

TITA 3:4

tüshe küyimki isa khümkhitrü Thrünpuh tsükhi tüsho amuzho amikheak akhiukkhea,

IBRI 2:9

Tüshe Thrünpuh amüthsüm hode alala thsung thsüde ashepü Jisu ju anükhühkheak yunirübo kheaknü abobe kamkhi, kheakü api thsünüde ashekhi hode müretah tüsho wüntre thranjihkhi isanü ngüchoh.

1 JOHAN 3:1

Isa Thrünpuh tsührü de ajipü thsüde Abuhnü küdükhüh isa muzholanü kheahang; tüsho junangde isa lah. Alominü isa mümükheahkhi amütsan ju api mümükheahkhinü ah.

1 JOHAN 4:19

Isanü muzhochoh, tümütüsho apinü akhuhde isa muzho.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi