JOHAN 20:1 - AMÜSÜH HÜM CL Bible (BSI)

¹ Amu-khip akhuhbe nimung, mitingde alachoki mükikde Mari Magdalennü kiuyuk ching arü, tüsho lung ju kiuyuk kheaknü lahkhia bah-a ngü.

JOHAN 20:1 Cross References

MATHI 27:56

jurü bolung Mari Magdalen, Jakob tüsho Josep abe Mari, tüsho Zebedee tsührübo abe lakheah.

MATHI 27:60

tüsho lung chingnü akiukhi anihbuh kiuyuk aso ching zo; tüsho kiuyuk mün kheak lung ato khülang lahkih-a zobah tsoabah.

MATHI 27:64

Jumonü nimung mahsam khiungde kiuyuk aheangpü thiyukhüm jihang, jude yungsho api jingyanrübonü azhing ching arübah ahühde atsobah, tüsho, ‘Ashe chingnü api arhang kamdo’ de mihtsürübo ki thabah. Junangde ashude mülapyukkhi ju akhuhbe kheaknü amütsübe labah.”

MATHI 27:66

Jumonü arünü yübah kiuyuk ju lungnü düngde lahdo tüsho aheangrü zojih.

MATHI 28:1

Kheakü Amuni dunglim, amu-khip akhuhbe nimung mükikde, Mari Magdalen tüsho püpürü Mari arünü kiuyuk kheahpü arü.

MATHI 28:2

Tüsho kheahang, muliuyuk ato khülang lakheah; tümüde Atungpuh yunirü yinmi chingnü aki tüsho lung ju lah-a bahbah ju kheak bin.

MARK 15:46

Judüki apinü khimthünak thulobah api yihkhi tüsho khimthünak ching hing. Tüsho apinü lung ching kiukhi kiuyuk ching api yapshih, tüsho kiuyuk mi kheak lung khülang lahkih-a zo.

MARK 16:9

Küyimki api amu-khip akhuhbe nimung mükikde asürükhea, apinü amünean me thüne yankhitkhi Mari Magdalen ki akhiuka huh.

JOHAN 11:38

Judüki Jisunü kheaküshe api mulong mütsüde kiuyuk ching arü. Ju lungkhün mi kheak lung khülangnü khidoa lakheah.

JOHAN 11:41

Jushu arünü ashekhi mihtsürü yappungnü lung ju lahkhia bah. Tüsho Jisunü abinkih-a kheahbah tha, “Abuh, nünü I ki sojihkhi nü ki makshe jihchoh.

JOHAN 19:25

Kheakü Jisu sangkim ki abe, abe niurü Klopa niube Mari, tüsho Mari Magdalen lakheah.

JOHAN 20:26

Tüsho nimung tizheah dunglim jingyanrübo kheaküshe alunglim lakheah; tüsho arü lung Thoma lakheah. Khimdopü rih-a lalashe arübah arü bolung zhip, tüsho tha, “Nüsa lung mungtsü lang!”

YUNIRÜBO RHIMO 20:7

Amu-khip akhuhbe nimung, yikhap yihnakpü isa rukhüh mukhungchoki, Paulnü ashidopü chamachihpü lümde arü ki asukachih; tüsho apinü tsüngphulung khiungde asukachih.

1 KORINT 16:2

Amu-khip akhuhbe nimung nüsa mihbüm abannü nihbuh lalim ayannü tümükhüh zomukhungang, junangde küyimki I arübanü müthrezüthredo.

AMIKHEAKAKHIUKKHI 1:10

I Atungpuh nimung Me ching lakheah, tüsho hulipungpung nangde düsheak achangnü I dunglim so,