JOHAN 19:13 - AMÜSÜH HÜM CL Bible (BSI)

¹³ Küyimki ju thakhi Pilatnü asokhea, apinü Jisu bede akhiukbah Ibri yunü Gabbatha de ajikhi dangpung Lung-khimkhi mahkhap binkiu ching bin.

JOHAN 19:13 Cross References

MÜCHITMUDU 29:25

Mihtsürü trekhinü müthrim handarüchoh, tüshe shepünü A TUN GPU H kheak kinchonü akhümkhitbah.

T H S AN GYU T H S AN GR ARÜ 5:8

Nünü lomi khülang ching zhochihrü junokhi tüsho thiyuro le alungki ahorimüchihkhi ngüsho, ju dünkheak dümüyinsah; tümüde atorü achang ju achangbenü kheahde lah, tüsho kheaküshe ane kurungkheak achangbe lah.

ISAIA 57:11

Nünü she ki trekhea, junangde nünü akeangyu thakhea tüsho I mülümkhit yungsho I kilim lümkhi müjihkhea? Inü kim ashangkhüh zhikde alamo nünü I mütrekhea de?

JEREMIA 38:19

Kiulongthsüpuh Zedekianü Jeremia ki tha, “ Inü Kaldearü kilim tsode ayükhi Jihudarü trelah, tümüde I arü kilim jihpü labah tüsho arünü I thsümüchibah.”

AMOS 4:7

Tüsho kheaküshe yimlupü khinu mahsam lachoki inü nüsa kheaknü tsüng tuklo; inü kiuto khülang lungki tsüng arüshih, tüsho püpü kiuto lungki tsüng marüshih; thulu khülang lungki tsüng arüshih, tüsho tsüng marükhi thulu ju mukuhabah;

MATHI 27:19

Küyimki Pilat ju mahkhaprü binkiu kheak binde alakhea, aniubenü ha yusheak yüshih: “Ju thiyuro mihtsürü kheak tümü düthsü, tümüde api dünkheak yishih milim ching I khide küpkhukdo.”

LUKNÜ ATHRÜTKHI THIYUSHEAK-ATSÜ HUHTANYU 12:5

Tüshe nüsanü shepü ki trebeanü inü nüsa ki huhbah: Shepünü laksahbah dunglim thsümüchipung ching jipyukpü wu lanü api treang; am, inü nüsa ki thachoh, api treang!

JOHAN 19:17

Tüsho apinü sangkim hanbah Ibri yunü Golgotha de ajikhi kuro dangpung ching yü,

JOHAN 19:20

Jihudarü ahihdonü ha thrütkhi khe, tümüde Jisu yümkihkhi dangpung ju kiuto phünide alakheah; tüsho ju Ibri, Greek, tüsho Latin yunü thrüta lakheah.

JOHAN 19:8

Jumonü küyimki Pilatnü ju thakhi sokhea, api alü trede kam,

JOHAN 5:2

Jirusalem ching Namfimihnu Chipiripit thüninde, Ibri yunü Bethesda de ajikhi, yünshim 5 lakhi kedükim khülang lah.

YUNIRÜBO RHIMO 4:19

Tüshe Peter le Johan bünenü arü ki alo, “Thrünpuh kheaknü alü nüsa ki anipü Thrünpuh miki alim la shi yungnü nüsanü lümakheahang.