JOHAN 17:23 - AMÜSÜH HÜM CL Bible (BSI)

²³ I arü lung lah, tüsho nü I lung lah; junangde arübo khülang tsütsü kambah, junangde nünü I thiyikheah, tüsho nünü I muzhokhi nangde arü muzhodo de alominü amükheahbah.

JOHAN 17:23 Cross References

JOHAN 10:38

tüshe inü rhimosho, nüsanü I mükina lalashe, rhimobo kinang, junangde I Buh I kheak lah tüsho l api kheak lah de nüsanü amükheahbah tüsho akinbah.”

JOHAN 13:35

Nüsa khülangnü khülang muzhoachihsho, ha hode nüsa I jingyanrübo ah de alalanü amükheahbah.”

JOHAN 14:10

I Abuh kheak lah tüsho Abuh I kheak lah de nünü mükincho de? Inü nüsa ki thakhi yubo ju I yo thiyukhüm-sühmühnü masuk tüshe I kheak lakhi I Buh rhimo rhimochoh.

JOHAN 14:23

Jisunü api ki alo, “Khürünü I muzhosho, apinü I yu zobah; I Buhnü api muzhobah, tüsho ike api kilim arübah tüsho api lung ike yam thsübah.

JOHAN 15:9

Abuhnü I muzhokhi nangde, inü she nüsa muzhodo; I muzho ching laang.

JOHAN 16:27

tümüde Abuh küdahnü nüsa muzhochoh, tümütüsho nüsanü I muzhodo tüsho I ju Thrünpuh kilimnü arükheah de kindo.

JOHAN 17:11

Kheaküa I alomi ching müla, tüshe harübo alomi ching lah, tüsho I nü kilim arüchoh. Amüsüh Abuh, nünü I kilim jihrü nü mung hode zojang, junangde isa nangde arü khülang labah.

JOHAN 17:21

junangde nü, Abuh I kheak, tüsho I nü kheak lakhi nangde arü alala khülang labah; isa nangde arü she khülang labah, junangde nünü I thiyikheah de alominü akinbah.

JOHAN 17:24

Abuh, nünü I kilim jihrü she I lapung I lung lashihnelah, junangde nünü I kilim jihkhi I müretah ngübah; tümüde alomi khimtan müngühnü nünü I muzho.

JOHAN 17:26

Inü arü ki nü mung khipkhitdo, tüsho ju khipkhitbah, junangde nünü I muzhokhi amuzho arü kheak labah tüsho I arü kheak labah.”

JOHAN 17:3

Tüsho ha lün rhangdung ah, junangde arünü nü ju lang thiyuro, Thrünpuh, tüsho nünü athiyikhi Jisu Khrista mükheahbah.

JOHAN 17:8

Tümüde nünü I kilim jihkhi yubo inü arü kilim jihdo; arünü jurü leangkhido, tüsho I ju nü kilimnü arükheah de tsükjide mükheahdo; tüsho nünü I thiyikheah de arünü kindo.

JOHAN 3:17

Tümüde Thrünpuhnü alomiküp bahyukshihpü atsührü arüshihkhi yung, tüshe api hode alomiküp khümkhitpü thsungkheak ah.

JOHAN 6:56

Shepünü I shih tsühcho tüsho I thiyih yungchonü I lung lachoh, tüsho l api lung lachoh.

1 KORINT 1:30

Api ju Thrünpuhnü isa lümlung, isa thiyuro-lungki, atsangkhitrü tüsho rhokhitrü kamshihbuh Jisu Khrista ching nüsa rhangdung limro ah;

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

GALATIA 3:28

Jumonü Jihudarü yungsho Greek, azhorü yungsho zuzu, athrürü yungsho aliberü dükeak tümü büthsüde müla; tümüde nüsa alala Jisu Khrista ching khülang ah.

FILIPI 3:15

Isa sherü azorüanü ha lümbeah; tüsho nüsa lümkhi püpü lasho Thrünpuhnü nüsa ki mütsanjihbah.

KOLOSI 1:28

Isanü mihtsürü aban Khrista ching khiukdahkhi kamshihpü mihtsürü aban lümlung alala ching dande thsangyuchoh.

KOLOSI 2:2

junangde dükde anikhitkhi lakhitbo tüsho Thrünpuh mükheahmudu aramyu, Khrista lapü arü amuzho ching rukhüh kamkhinü arü mulong toshihbah.

KOLOSI 3:14

Tüsho harü alala kurungkheak, tsüdakde arihakokhi ching lüpdükhi rhükrukhi amuzho yihang.

1 PETER 5:10

Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah.

1 JOHAN 1:3

nüsanü isa lung arihakode alapü thsüde isanü angükhi tüsho asokhi nüsa ki she zhiyuk; tüsho isa arihako ju Abuh tüsho atsührü Jisu Khrista kheak lah.

1 JOHAN 3:1

Isa Thrünpuh tsührü de ajipü thsüde Abuhnü küdükhüh isa muzholanü kheahang; tüsho junangde isa lah. Alominü isa mümükheahkhi amütsan ju api mümükheahkhinü ah.

1 JOHAN 4:19

Isanü muzhochoh, tümütüsho apinü akhuhde isa muzho.

AMIKHEAKAKHIUKKHI 3:9

Arimri sinagog ching larübo, arü Jihudarü ah de akeangyu tharü nü jing ki khukningshihbah tüsho inü nü muzhokhi mükheahshihbah.