JOHAN 16:30 - AMÜSÜH HÜM CL Bible (BSI)

³⁰ Kheakü nünü alala mükheahlah de isanü mükheahlah, tüsho shenü she nü ki keokhipü yihnüpü müla. Ha hode nü ju Thrünpuh kilimnü arükheah de isanü kinlah.”

JOHAN 16:30 Cross References

1 KIULONG THSÜRÜ 17:24

Jumonü alibenü Elija ki tha, “ Kheakü nü Thrünpuh mihtsürü ah de inü mükheahlah, tüsho nü mün ching lakhi Atungpuh yu thiyuro ah.”

JOHAN 16:17

Judüki api jingyanrü khürünü arü bolung thaachih, “Apinü isa ki, ‘Sühkhüh labah nüsanü I müngüde alabah; tüsho kheaküshe sühkhüh labah nüsanü I ngülobah’; tüsho ‘Tümütüsho I Buh kilim yüchoh,’ de athakhi ha tümü a?”

JOHAN 16:23

Tüsho ju nimung nüsanü I ki tümü mükheang. Atsütsü inü nüsa ki thachoh, nüsanü tümüpürü I mung chingnü I Buh ki kheangbanü apinü nüsa kilim jihbah.

JOHAN 16:26

Ju nimung nüsanü I mung chingnü akheangbah, tüsho inü nüsa thsungkheak Abuh ki tamkhüntamnübah de mütha;

JOHAN 16:31

Jisunü arü ki alode tha, “Nüsanü kheakü kincho shi?

JOHAN 17:8

Tümüde nünü I kilim jihkhi yubo inü arü kilim jihdo; arünü jurü leangkhido, tüsho I ju nü kilimnü arükheah de tsükjide mükheahdo; tüsho nünü I thiyikheah de arünü kindo.

JOHAN 2:11

Ha akhuhbe khinthiyinbe Jisunü Galilee ching lakhi Kana ching rhimo, tüsho api müretah akhiuka huh; tüsho ajingyanrübonü api kheak kin.

JOHAN 21:17

Apinü anihbuh ki mahsam kipü tha, “Jona tsührü Simon, nünü I muzhola shi?” Apinü anihbuh ki, “Nünü I muzhola shi?” de mahsam ki keomonü Peternü mulong mütsüde alakheah. Tüsho apinü tha, “Atungpuh, nünü alala mükheahlah; inü nü muzholah de nünü mükheahlah.” Jisunü api ki tha, “I yo namfimihnubo mütrüang.

JOHAN 5:20

Tümüde Abuhnü atsührü muzhochoh, tüsho apinü arhimokhi alala api ki huhchoh; tüsho nüsanü amüyinsahpü thsüde harü kheaknü atobe rhimobo apinü anihbuh ki huhbah.

JOHAN 8:42

Jisunü arü ki tha, “Thrünpuh ju nüsa Abuh thsükhülaa, nüsanü I muzhobah, tümüde I Thrünpuh kilimnü arükheah; yungsho I küdah thsüde marü, tüshe apinü I thiyikheah,

IBRI 4:13

Tüsho api miki thrüna lakhi tümü she rama müla, tüshe isanü api ki rhimopü thsüde alala api mükbo ki khimshuh-a tüsho aleangkheak lah.