JOHAN 16:10 - AMÜSÜH HÜM CL Bible (BSI)

¹⁰ thiyuro-lungki dünkheak, tümütüsho I Buh kilim I ayübah tüsho nüsanü I müngülo;

JOHAN 16:10 Cross References

ISAIA 42:21

Atungpuhnü api thiyuro-lungki dünkheak api thsangyukhi thushihpü tüsho ju müretahde kamshihpü asühdo.

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

JOHAN 16:28

Abuh kilimnü I alomi ching arükheah. Kheaküshe, inü alomi zojihbah Abuh kilim yülobah.”

JOHAN 16:5

“Tüshe kheakü I thiyibuh kilim I yüchoh, tüsho nüsa shenü she, ‘Nü külim yücho?’ de mükeo.

JOHAN 3:14

Tüsho Mosanü sunglo ching phuruto shuhkihkhi nangde, Mihtsürü Tsührü she ashuhkihbah,

JOHAN 5:32

I thiyumütsan thsürü püpürü lah, tüsho apinü I thiyumütsan thsükhi thiyuro ah.

JOHAN 7:33

Judüki Jisunü arü ki tha, “I nüsa lung anükhüh ruhde alabah, tüsho I thiyibuh kilim yübah.

YUNIRÜBO RHIMO 17:31

tümütüsho apinü amokhitkhi mihtsürünü thiyuro-lungkinü alomiküp mahkhappü nimung khülang akhukhitdo, tüsho ha apinü ashe chingnü arhang kamloshihkhi hode mihtsürü alala kilim adüngakhi jihdo.”

YUNIRÜBO RHIMO 2:32

Haju Jisu, Thrünpuhnü arhang kamloshih, tüsho ju dünkheak isa alala thiyumütsanbo ah.

YUNIRÜBO RHIMO 3:14

Tüshe nüsanü Amüsüh tüsho Thiyuro-lungkibuh bahyuk, tüsho mihlaksahrü nüsa kilim dükheshihpü kheang,

YUNIRÜBO RHIMO 7:52

Nüsa jipürübonü müthsümüchikhi wukihrübo sherü a? Arünü thiyuro-lungki Khülang arüpü zhiyukbuh she laksah. Tüsho kheakü nüsanü api mülapyukde laksah–

ROMRÜ KILIM PAULNÜ ATHRÜTKHI KIHÜM HUHTANYU 1:17

Tümüde ju ching Thrünpuh thiyuro-lungki ju akin chingnü akin hode akhiuka lah; ha thrüta lah, “Shepü thiyurolungkianü akin hode arhang alabah.”

1 KORINT 1:30

Api ju Thrünpuhnü isa lümlung, isa thiyuro-lungki, atsangkhitrü tüsho rhokhitrü kamshihbuh Jisu Khrista ching nüsa rhangdung limro ah;

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

GALATIA 5:5

Tüshe akinnü, Me hode thiyuro-lungki mulonglam isanü aleangchoh.

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

1 PETER 3:18

Tümüde Khrista she neakbo dünkheaknü thiyuro-mülungkirü dünkheak thiyuro-lungkirü khülangkinü lang ashekheah, junangde shih ching ashekhi kamshihbah me ching arhang lashihde apinü isa ju Thrünpuh kilim bede arüpü lakheah;