JOHAN 15:14 - AMÜSÜH HÜM CL Bible (BSI)

¹⁴ Inü nüsa ki thiyukhüm jihkhibo nüsanü rhimosho nüsa ju I müyamrübo ah.

JOHAN 15:14 Cross References

1 KIULONG THSÜRÜ 4:5

Nathan tsührü Azaria ju atorübo kumung lakheah; Nathan tsührü Zabud ju amükeamrü tüsho kiulongthsüpuh müyamrü lakheah;

2 KIULONG THSÜRÜ 18:6

Tümüde apinü Atungpuh ki thiyuronü la; apinü api yankhi chingnü müchamachih tüshe Atungpuhnü Mosa ki thiyukhüm jihkhibo ani.

2 KIUTHSÜYUKHEAN 20:7

O isa Thrünpuh, nünü ha lomi ching larü nü mihtsürü Israel müngühnü yankhit, tüsho ju nü müyambuh Abraham tsühsoniusobo kilim lün thsungkheak jihkhi yung de?

ABEKHIT 7:6

Tüsho Mosa le Aron bünenü Atungpuhnü thiyukhüm jihkhi nangde rhimo.

MÜCHITMUDU 18:24

Khürü müyamrü thsükhea rünmukhiung, tüshe keoniorü kheaknü alü dakkihde alakhi müyamrü khülang lah.

KHÜNBOLUNGKHÜN 5:1

Inü I wündo ching arüchoh, I tsübe, I yamkhünbe; inü I yo rhümthüneabe ju thüneathürabe lung lumukhungchoh, inü I mukhukerüp tüsho mukhuke tsühchoh, inü I niuhke tüsho I yukhu yungchoh. Tsühang, müyamrübo, yungang, tüsho amuzhonü müshangang.

ISAIA 41:8

Tüshe nü, Israel, I yamlarü, Jakob, shepü inü mokhitkhea, I müyambuh Abraham tsührü;

JEREMIA 32:23

arünü yüzah tüsho alakukruk lu. Tüshe arünü nü düsheak mani yungsho nü yakzan ching mütsah; nünü arü ki thiyukhüm jihkhi alala arünü tümü mürhimo. Jumonü nünü harü thsümütsü alala arü kheak arüshih.

EZEKIEL 12:7

Junangde I ki thiyukhüm jihkhi nangde inü rhimo. Ramtso thsungkheaknü animuro inü I kukrukbo düma lubah akhiuk. Jushu arelim chipi ching I khahnü rhümashung. Arünü akheahchoki inü I kukrukbo animuro I dubuh kheaknü shuhyini ching hankhit.

MATHI 12:50

Tümütüsho sherünü yinmi ching I Buh lümkhi rhimochonü I khiung, I chi tüsho I be ah.”

LUKNÜ ATHRÜTKHI THIYUSHEAK-ATSÜ HUHTANYU 12:4

“Tüsho inü nüsa ki thachoh, I müyamrübo, sherünü laksahbah ju dunglim tümü müthsükhuknü arü ki dütre.

JOHAN 13:17

Nüsanü harü mükheahde rhimosho nüsa asühpü.

JOHAN 14:15

“Nüsanü I muzhosho, I yuzüngbo zoang.

JOHAN 14:21

Shepü I yuzüngbo la tüsho jurübo zochonü apinü I muzhochoh. Shepünü I muzhochonü I Buhnü amuzhobah, tüsho inü api muzhobah tüsho api ki I akhiuka huhbah.”

JOHAN 14:28

Inü nüsa ki, ‘I yüchoh tüsho nüsa kilim alode arübah,’ de athakhi nüsanü sodo. Nüsanü I muzhosho, nüsa asühachihbah, tümütüsho inü tha, ‘I Buh kilim I yüchoh,’ tümüde I Buh ju I kheaknü atobe ah.

JOHAN 2:5

Abenü yamlarübo ki tha, “Apinü nüsa ki tümüpürü thachonü, ju rhimoang.”

JAKOB 2:23

tüsho amüsühyu dünjide tha, “Abrahamnü Thrünpuh kin, tüsho api kilim thiyuro-lungki khejih”; tüsho api ju Thrünpuh müyambuh de ji.

1 JOHAN 5:3

Tümüde isanü api yuzüng anikhi ju Thrünpuh muzhokhi ah tüsho api yuzüng ju hahmülang yung.

RUTH 3:6

Junangde Ruthnü pung ching yübah aninü athakhi nangde rhimo.