JOHAN 15:11 - AMÜSÜH HÜM CL Bible (BSI)

¹¹ “I asühkhi nüsa kheak lapü tüsho nüsa asühkhi khiukde alapü thsüde inü harü nüsa ki asukdo.

JOHAN 15:11 Cross References

ISAIA 53:11

Api thsünükhi chingnü apinü ayin ngübah; api mükheahmudu hode api reangkeam ngübah. Thiyuro-lungki labuh, I yamlarünü ahihdo thiyuro-lungki kamshihbah tüsho apinü arü mülimkhibo hanbah.

ISAIA 62:4

Kheaküa nü Amihkhi de müji tüsho nü lomi Azhikkhi de müji; tüshe I Asühkhi Anihbe kheak lah de nü ki jibah, tüsho nü lomi rhangdo de ajibah; tümüde Atungpuhnü nü kheak asühchoh tüsho nü lomi arhangbah.

JEREMIA 32:41

Inü arü kheak atsü rhimokhinü asühbah, tüsho thülünde, I mulong alala tüsho I me alalanü inü arü ha lomi ching lashihbah.

JEREMIA 33:9

Tüsho inü arü thsungkheak atsü rhimokhi alala sopü larü lomi trükshihbo alala miki ha kiuto I ki asühkhi mung, mungshi tüsho müretahkhi labah; inü ha thsungkheak atsü tüsho lalim atsü alala jihkhi dünkheak arünü atrebah tüsho ajanbah.

ZEPHANIA 3:17

Atungpuh , nü Thrünpuh, nüsa bolung lah, Wuto Khülangnü nü khümkhitbah; apinü nü kurungkheak asühbah, apinü api muzho ching nü aso kamshihbah; apinü nü kurungkheak asühde khün thsübah,

LUKNÜ ATHRÜTKHI THIYUSHEAK-ATSÜ HUHTANYU 15:23

Tüsho moshi nunu ashih-kihkhi lude arübah laksahang, tüsho isanü tsühde asühachihanü;

LUKNÜ ATHRÜTKHI THIYUSHEAK-ATSÜ HUHTANYU 15:32

Isanü asühachihpü tüsho asühpü alungki lah, tümüde nü niurü shea lakheah tüshe kheakü arhang lah, tüsho dükheaka lakheah tüshe ngüdo.’ ”

LUKNÜ ATHRÜTKHI THIYUSHEAK-ATSÜ HUHTANYU 15:5

Tüsho küyimki apinü ju yimkhitbanü asühde adubuh kheak yihkihchoh.

LUKNÜ ATHRÜTKHI THIYUSHEAK-ATSÜ HUHTANYU 15:9

Tüsho küyimki alibenü ju ngübanü anihbenü müyamrübo le yamhingrü jimukhungde thachoh, ‘I lung asühang, tümüde adükheakkhi shonak inü ngüdo!’

JOHAN 16:24

Kheakü khiungde nüsanü I mung chingnü tümü mükheang. Kheangang tüsho nüsanü angübah, junangde nüsa asühkhi suhdahde alabah.

JOHAN 16:33

I kheak nüsa mungtsü lapü thsüde inü harü nüsa ki asukdo. Alomi ching nüsa thsümütsü-ato labah; tüshe mulong ato thsang, inü alomi kukdo!”

JOHAN 17:13

Tüshe kheakü I nü kilim arüchoh, tüsho arü kheak I asühkhi dünjishihpü thsüde inü harü alomi ching thachoh.

JOHAN 3:29

Yamkhün-kambe ju yamkhünkambuh yo ah; tüshe yamkhünkambuh müyamrü, shepünü zhipbah api ki anichonü yamkhün-kambuh düsheak hode tode asühachihchoh. Jumonü ha I asühkhi dünjido.

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

2 KORINT 1:24

Nüsa akin kurungkheak isanü thiyuzüng mahori, tüshe nüsa asühpü thsüde rukhüh rhimorübo ah; tümüde akin hode nüsa düküngde zhiplah.

EFISIA 5:18

Tüsho yukhunü dümüshang, tümüde ju athsümünimbe lah; tüshe Menü mishang.

FILIPI 1:25

Ha lümkihkhinü I aninga labah de inü mükheahlah, tüsho nüsa alü zokihkhi tüsho akin ching asühachihkhi thsungkheaknü nüsa alala lung I mutukzhakde alabah,

1 TESALONIKA 5:16

Kamruhroro asühachihang,

1 PETER 1:8

Api müngüngü she nüsanü api muzhochoh; api müngüngü she nüsanü api kheak kinchoh tüsho müthakhukbe asühachihchoh.

1 JOHAN 1:4

Tüsho isa asühkhi khiukdahde alapü thsüde isanü ha thrütchoh.

2 JOHAN 1:12

Inü nüsa kilim hihde athrütpü lalashe, inü hüm tüsho doke mahorinü, tüshe inü arübah nüsa shorupü tüsho nüsa ki mironü miro asukachihpü mulonglam lah.