JOHAN 13:32 - AMÜSÜH HÜM CL Bible (BSI)

³² Api kheak Thrünpuh müretahsho, Thrünpuhnü api kheak anihbuh müretahbah, tüsho nahde api müretahbah.

JOHAN 13:32 Cross References

JOHAN 12:23

Tüshe Jisunü arü ki alo, “Mihtsürü Tsührü müretahpü thsüde kim arüdo.

JOHAN 17:1

Jisunü harü thabah, yinmi lim kheahde tha, “Abuh, kim arüdo. Nü tsührü müretahshang, junangde nü tsührünü she nü müretahbah,

1 PETER 3:22

shepü yinmi ching yü tüsho Thrünpuh khah tsülim la–yunirübo lungnü, thiyukhüm-sühmüh tüsho wubonü api ki anide lah.

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde

AMIKHEAKAKHIUKKHI 22:13

I Alpha tüsho Omega, akhuhbuh tüsho ashubuh, atankih tüsho akheam.”

AMIKHEAKAKHIUKKHI 22:3

Ju ching kheaküa tümü she muthrumüneankhi müla tüshe Thrünpuh kiulongthsü-binkiu tüsho Namfimihnunu ju ching labah, tüsho anihbuh tankihrübonü api kingaünbah;

AMIKHEAKAKHIUKKHI 3:21

Shepünü akuk ngüchonü, inü akuk ngübah I api kiulongthsü-binkiu kheak I Buh ki binkhi nangde, inü I kiulongthsü-binkiu kheak I lung binpü api ki mülüjihbah.