JOHAN 13:21 - AMÜSÜH HÜM CL Bible (BSI)

²¹ Küyimki Jisunü harü thakhea, api me ching küpkhuk, tüsho khipkhitde tha, “Atsütsü inü nüsa ki thachoh, nüsa khülangnü I yinatsühbah.”

JOHAN 13:21 Cross References

MATHI 26:21

Arü yimtsühde alachoki, apinü tha, “Atsütsü inü nüsa ki thachoh, nüsa bolung khülangnü I yinatsühbah.”

MATHI 26:38

Apinü arü ki tha, “I me ashepü thsüde mulong rozhaklah. Nüsa ha kheak I kheahde aleangang.

MARK 14:18

Arü binbah yimtsühde alachoki, Jisunü tha, “Atsütsü inü nüsa ki thachoh, I lung yimtsühkhi nüsa khülangnü I yinatsühbah.”

MARK 3:5

Jumonü küyimki apinü arü mulong müküpkhinü mulong mütsüde arü kheak bukakhiukde mükamde akheahkhea, apinü mihtsürü ki ju tha, “Nü khah chungang.” Apinü chung, tüsho api khah ju püpü thrip nangde tsüabah.

JOHAN 11:33

Jumonü küyimki alibe tüsho anihbe lung arükhi Jihudarü tripkhi Jisunü angükhea, api me ching thsünü tüsho küpkhukde alakheah.

JOHAN 11:35

Jisunü trip.

JOHAN 11:38

Judüki Jisunü kheaküshe api mulong mütsüde kiuyuk ching arü. Ju lungkhün mi kheak lung khülangnü khidoa lakheah.

JOHAN 12:27

“Kheakü I me küpkhuklah, tüsho inü tümü thaba? ‘Abuh, ha kim chingnü I khümkhitang’ de athaba shi? Tüshe ha thsungkheaknü I ha kim ching arükheah.

JOHAN 13:18

Inü nüsa alala dünkheak mütha. Inü shepü mokhitdünü inü mükheahlah; tüshe amüsühyu dünjibah, ‘Shepü I lung yikhap tsühchonü I azhihde api lahzhi shuhkihdo.’

JOHAN 13:2

Tüsho arelim yimtsühchoki api yinatsühshihpü Simon tsührü Juda Iskariot mulong ching amünean menü rük yukjih.

JOHAN 13:22

Judüki jingyanrübonü khülangnü khülang kheahachihbah apinü athakhi dünkheak lümshangmangde kam.

YUNIRÜBO RHIMO 17:16

Kheakü Paulnü Athen ching ane aleangde alachoki kiuto ching sangthsübonü amikhi ngübah api khide lümthsünü.

1 JOHAN 2:19

Arü isa kheaknü awukhiukkheah, tüshe arü a isa lung mübe; tümüde arü isa lung bekhülaa, arünü isa lung mutuklode alabah; tüshe arü alala isa lung mübe de amütsanpü arü wukhiukdo.